فوتو: Pixabay
«الدىن الا مالىمەتتەر بويىنشا, «قازاقمىس» كورپوراتسياسىنىڭ كەنىشتەرى ءۇشىن ءتان ەمەس تابيعي گازدىڭ جارىلىسى بولعان. وقيعانىڭ ءمان-جايى مەن سەبەپتەرى انىقتالىپ جاتىر. قايعىلى جاعدايدى تەرگەۋ ءۇشىن ارنايى مەملەكەتتىك كوميسسيا قۇرىلدى», دەلىنگەن حابارلامادا.
كورپوراتسيا وقيعانىڭ ءمان-جايىن انىقتاۋ جۇمىستارىنا تولىق كومەك كورسەتىپ جاتىر.
ەستەرىڭىزگە سالا كەتەيىك, كەشە ساعات 16:50-دە «جومارت» كەنىشىندە تاۋ جىنىسى وپىرىلىپ, جەتى جۇمىسشى ءۇيىندى استىندا قالعان. وقيعا ورنىنا ۇلىتاۋ جانە قاراعاندى وبلىسى توتەنشە جاعدايلار دەپارتامەنتىنىڭ كۇشتەرى, ونىڭ ىشىندە كينولوگيالىق توپتار, اپاتتار مەديتسيناسى ورتالىعىنىڭ ماماندارى جانە قر توتەنشە جاعدايلار مينيسترلىگى پسيحولوگتارى جىبەرىلگەن.
سونىمەن قاتار وقيعا ورنىنا ءۇش جەدەل جاردەم بريگاداسى جونەلتىلگەن. «قازاقمىس كورپوراتسياسى» كابەلدىڭ ۇزىلۋىنە بايلانىستى جۇمىسشىلارمەن بايلانىس بولماعانىن مالىمدەگەن.
