فوتو: Oqu-agartu ministrligi
ببجم ۇلتتىق قۇرالىنىڭ حالىقارالىق اككرەديتاتسيادان ءوتۋى ونىڭ سەنىمدىلىگىن, شىنايىلىعىن جانە حالىقارالىق ساپا ستاندارتتارىنا سايكەستىگىن راستايدى. ببجم-ءنىڭ بارلىق كەزەڭدەرى مەن پروتسەدۋرالارى PISA, TIMSS, PIRLS سياقتى بەلگىلى زەرتتەۋلەردە قولدانىلاتىن عىلىمي تاسىلدەرگە نەگىزدەلگەن.
«ببجم اككرەديتاتسياسىنان ءوتۋ ەلىمىزدىڭ باعالاۋ سالاسىنداعى الەۋەتىن جانە ساراپتاماسىن ارتتىرۋعا مۇمكىندىك بەردى. ءبىز ببجم ترانسفورماتسياسى بارىسىندا ازىرلەنگەن نەگىزگى قاعيداتتار مەن تاسىلدەردى ۇلتتىق ءبىلىم بەرۋ جۇيەسىن جەتىلدىرۋ اياسىندا باسقا ءبىلىم دەڭگەيلەرىنە ەنگىزۋدى جوسپارلاپ وتىرمىز. بۇل باعالاۋ جۇيەسىنىڭ تۇتاستاي دامۋىن جانە بالالاردىڭ ءبىلىم ساپاسى تۋرالى وبەكتيۆتى دەرەكتەر الۋدى قامتاماسىز ەتەدى», دەدى «احمەت بايتۇرسىن ۇلى اتىنداعى «تالداۋ» ۇلتتىق زەرتتەۋلەر جانە ءبىلىمدى باعالاۋ ورتالىعى» اق باسقارما توراعاسى ماعجان امانعازى.
سونىمەن قاتار اككرەديتتەۋ قازاقستاننىڭ ورتالىق ازيا وڭىرىندە ءبىلىم بەرۋ ساپاسىن باعالاۋ بويىنشا بىرلەسكەن باستامالارعا كوشباسشىلىق ەتۋىنە بىرەگەي مۇمكىندىكتەردى بەرەدى.
ببجم اككرەديتاتسياسى 7 كەزەڭنەن تۇرادى, ولار باعالاۋ جۇيەسىن ازىرلەۋدى, تەست سۇراقتارىنىڭ بازاسىن قۇرۋدى, بارلىق قاتىسۋشىلار ءۇشىن نۇسقاۋلىق ازىرلەۋدى, تسيفرلىق پلاتفورمادا تەستىلەۋدى اكىمشىلەندىرۋدى, حالىقارالىق ستاندارتتارعا سايكەس ناتيجەلەردى تالداۋ.
ەسكە سالايىق, ببجم – مەكتەپ وقۋشىلارىنىڭ ءبىلىم ساپاسىن زەردەلەيتىن ۇلتتىق زەرتتەۋ, ول وقۋ-تاربيە پروتسەسىندەگى كۇشتى جانە ءالسىز تۇستاردى انىقتاۋعا مۇمكىندىك بەرەدى. ونىڭ تۇپكى ناتيجەسى – ءبىلىم ساپاسىن ارتتىرۋ ءۇشىن ءار وڭىرگە كەشەندى تالداۋ جاساي وتىرىپ, ادىستەمەلىك ۇسىنىستار ازىرلەۋ بولىپ تابىلادى.
