«جۇكتى ايەلدە پرەەكلامپسيا جانە HELLP سيندرومى انىقتالعان بولاتىن. وسىعان وراي, بىرنەشە سالا ماماندارى بىرلەسە ارەكەت ەتىپ, ءتورت رەت شۇعىل وتا جاسادى. بۇل جەردە ناۋقاستا كوپتەگەن اسقىنۋلارمەن, سەپسيس, ورگانداردىڭ دۇرىس جۇمىس ىستەمەۋى ناۋقاستىڭ جالپى جاعدايىنىڭ اۋىرلاۋىنا اكەلدى. وتا كەزىندە تولىق حيرۋرگيالىق گەموستاز جانە ىشكى مىقىن ارتەريالارىن بايلاۋ جۇرگىزىلدى, بىراق ناۋقاستىڭ جاعدايى ۇلكەن الاڭداۋشىلىق تۋعىزدى», دەيدى وبلىستىق اۋرۋحانانىڭ اكۋشەرلىك گينەكولوگيا جانە پەريناتولوگيا ورتالىعىنىڭ ديرەكتورى گۇلجاحان جۇمادۋللاەۆا.
وپەراتسيادان كەيىن ءۇشىنشى كۇنى اكۋشەرلىك, رەانيماتولوگيا جانە گەپاتولوگيا سالاسىنداعى ساراپشىلاردىڭ قاتىسۋىمەن تەلەمەديتسينالىق كەڭەس جۇرگىزىلدى.
«بارلىق قيىندىقتارعا قاراماستان, مەديتسينا قىزمەتكەرلەرىنىڭ تاباندىلىعى مەن كاسىبيلىگىنىڭ ارقاسىندا وڭ ناتيجەگە قول جەتكىزدى. بىرنەشە سالا ماماندارى زاماناۋي تاسىلدەردى قولدانا وتىرىپ, انا مەن بالانىڭ ءومىرىن قۇتقارىپ قالدى. بۇگىنگى تاڭدا ناۋقاستىڭ جاعدايى جاقسارىپ, وتباسىنا امان-ەسەن ورالدى», دەپ تولىقتىردى الماتى وبلىسى دەنساۋلىق ساقتاۋ باسقارماسى باسشىسىنىڭ ورىنباسارى لەيلا سەرىكباەۆا.
