مەملەكەت باسشىسىنىڭ تاپسىرماسىن ورىنداۋ ماقساتىندا ىشكى ىستەر ءمينيسترىنىڭ بۇيرىعىمەن ەلدىڭ بارلىق پوليتسيا بولىمشەلەرىندە بيىلعى جىلعى قاڭتار ايىندا وتباسىلىق-تۇرمىستىق زورلىق-زومبىلىققا قارسى كۇرەس جونىندەگى مامانداندىرىلعان بولىمشەلەر قۇرىلدى. بۇل زورلىق-زومبىلىق قۇرباندارىن قورعاۋ جانە قۇقىق بۇزۋشىلاردى قايتا الەۋمەتتەندىرۋدەگى ماڭىزدى قادام.
پوليتسيا پولكوۆنيگى رەنات زۇلقايىروۆ جاڭا بولىمشەنىڭ باسشىسى لاۋازىمىنا ءدال وسى سالادا 20 جىلدان استام تاجىريبەسى بار, وتباسىنىڭ قاۋىپسىزدىگى قانشالىقتى ماڭىزدى ەكەنىن جاقسى بىلەتىن, التى بالانىڭ اناسى پوليتسيا پودپولكوۆنيگى اقمارال سەرىكباەۆا تاعايىندالعانىن ايتتى.
