شاكىر شاياحمەتوۆ اباي وبلىسىندا سوت ورگاندارىنىڭ, سونىڭ ىشىندە بورودۋليحا اۋداندىق سوتىنىڭ عيماراتتارىنىڭ جوندەۋ جۇمىستارىن تەكسەردى.
ول ءسا وبلىستىق دەپارتامەنتى باسشىلىعىنىڭ نازارىن ءۇي-جايلار مەن جابدىقتاردى جاڭارتىپ قانا قويماي, سۋديالارعا, سوت قىزمەتكەرلەرىنە جانە كەلۋشىلەرگە قولايلى جاعداي جاساۋ قاجەتتىلىگىنە اۋداردى.
بارلىق جۇمىستاردىڭ مەرزىمىندە جانە ساپالى اياقتالۋىن قاداعالاۋدى كۇشەيتۋدى تالاپ ەتتى.
قاۋىپسىز دەپ تانىلعان اقمولا وبلىسىنىڭ اتباسار اۋداندىق سوتىنىڭ عيماراتىندا بولعان شاكىر شاياحمەتوۆ ءسا وبلىستىق دەپارتامەنتىنىڭ باسشىلىعىمەن كەزدەسۋدە توتەنشە جاعدايلاردىڭ الدىن الۋ شارالارىن, سونداي-اق سوت عيماراتىن جالعا بەرۋ نۇسقالارىن تالقىلادى.
ء«سا قوستاناي وبلىستىق دەپارتامەنتىنىڭ باسشىلىعىمەن اۋداندىق سوتتاردىڭ عيماراتتارى تەكسەرىلىپ, ولاردىڭ ماتەريالدىق-تەحنيكالىق بازاسىن جاڭعىرتۋ ماسەلەلەرى, ونىڭ ىشىندە اۋدانارالىق سوت قۇرۋ ماسەلەسى تالقىلاندى. التىنسارين اۋدانى, قوستاناي قالاسىنىڭ N2, ماەس جانە وبلىستىق سوتتاردىڭ سۋديالارىمەن جانە ماماندارىمەن كەزدەسۋلەر بارىسىندا سوت ءىسىن جۇرگىزۋدەگى ءىت-تەحنولوگيالاردى دامىتۋ جانە سوتتاردى ماتەريالدىق-تەحنيكالىق قامتاماسىز ەتۋدى جاقسارتۋ ماسەلەلەرى تۋرالى ءسوز بولدى», دەلىنگەن حابارلامادا.
سوت اكىمشىلىگى باسشىسىنىڭ ءبىرىنشى ورىنباسارى كەزدەسۋلەردە ارىپتەستەرىنىڭ جۇمىسىنىڭ جاۋاپكەرشىلىگى زور ەكەنىن اتاپ ءوتىپ, سوت اكىمشىلىگى ماسەلەلەرىن دەر كەزىندە شەشۋدىڭ ماڭىزدىلىعىن ايتا كەلە, سوت قىزمەتكەرلەرىن كەلۋشىلەرمەن سويلەسكەندە ولاردىڭ تىلەكتەرىن تىڭداۋعا جانە سوت اكىمشىلىگى قىزمەتىنىڭ ساپاسىن ارتتىرۋ ءۇشىن قولدان كەلگەننىڭ ءبارىن جاساۋعا شاقىردى.
