فوتو: دسم gov.kz
قازاقستاندا ۆيرۋستىق گەپاتيتتەرگە شالدىعۋدى ازايتۋ ماقساتىندا 18 جاستان اسقان ادامداردىڭ اراسىندا ۆ جانە س گەپاتيتتەرىن انىقتاۋعا تولىق سكرينينگ جۇرگىزۋ جوسپارلانىپ وتىر.
ۆ جانە س ۆيرۋستىق گەپاتيتتەرىمەن ينفەكتسيانى ەرتە انىقتاۋ جونىندەگى پيلوتتىق باعدارلامانى ىسكە اسىرۋ قورىتىندىلارى, سونداي-اق ەلدەگى سىرقاتتانۋشىلىقتى تومەندەتۋ جونىندەگى ءىس-شارالاردى ىسكە اسىرۋ جونىندەگى ودان ارعى قادامدار دەنساۋلىق ساقتاۋ ءمينيسترى اقمارال ءالنازاروۆانىڭ اۋرۋلاردى تالداۋ ورتالىعى (CDAF) قورىنىڭ ديرەكتورى دوكتور حومي رازاۆيمەن كەزدەسۋى بارىسىندا تالقىلاندى.
ددۇ-نىڭ 2030 جىلعا دەيىنگى ۆيرۋستىق گەپاتيتتەردى جويۋ باعدارلاماسىنىڭ نەگىزگى جانە ماڭىزدى ماقساتتارىنىڭ ءبىرى – ولاردى ۋاقىتىلى دياگنوستيكالاۋ بولىپ تابىلادى.
ۆ جانە س ۆيرۋستىق گەپاتيتتەرى نەگىزىنەن جاسىرىن (اسيمپتوماتيكالىق) بولعاندىقتان, 65% جاعدايدا ولار تسيرروزدىڭ نەمەسە باۋىر وبىرىنىڭ دامۋىمەن اياقتالادى, بۇل ءوز كەزەگىندە جۇقتىرعان حالىقتىڭ ولىمىنە جانە مۇگەدەكتىگىنە اكەلەدى. سوندىقتان ينفەكتسيا تاسىمالداۋشىلارىن ەرتە ساتىسىندا انىقتاۋدى جانە ەمدەۋدى قامتاماسىز ەتۋ ماڭىزدى, ويتكەنى ولار اينالاسىنداعىلار ءۇشىن ۆيرۋستىق گەپاتيت كوزى بولىپ تابىلادى.
پيلوتتىق باعدارلامانىڭ ناتيجەلەرى بويىنشا قازاقستاندا ءتيىمدى دياگنوستيكالىق شەشىمدەردىڭ كومەگىمەن 18 جاستان اسقان ادامداردىڭ اراسىندا ۆ جانە س ۆيرۋستىق گەپاتيتتەرىن انىقتاۋعا ارنالعان جالپى سكرينينگتى باستاۋ تۋرالى شەشىم قابىلداندى.
