فوتو: ع.مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترى
قازاق ادەبيەتىنىڭ دارا تۇلعاسى, حالىق جازۋشىسى ءا.نۇرشايىقوۆتىڭ قارىمدى قالامىنان تۋعان «ماحاببات, قىزىق, مول جىلدار» رومانى قازاق ادەبيەتىنىڭ ەڭ قۇندى ءىنجۋ-مارجاندارىنىڭ ءبىرى. سوعىستان ءوز ەلىنە ساعىنا ورالعان ەربولدىڭ وقۋعا ءتۇسىپ, 33-اۋديتوريادا ءوزىن گۇلگە تولعان باقتا وتىرعانداي سەزىنۋى, ومىرلىك دوستار جانە ەڭ باستىسى, ماڭگىلىك ماحابباتىن تابۋى باياندالاتىن ماحاببات داستانى وقىرماننىڭ ىستىق ىقىلاسىنا بولەنگەنى حاق.
ماسەلەن, ع.مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترىنىڭ رەپەرتۋارىنداعى «ماحاببات قىزىق مول جىلدار» (رەج.: ف.مولداعالي) قويىلىمى قىسقا عانا ۋاقىت ارالىعىندا كورەرمەننىڭ كوزايىمىنا اينالىپ ۇلگەرگەن. ەرەكشە ەستەتيكا مەن جاعىمدى اتموسفەراعا تولى سپەكتاكلگە سۇرانىس كۇن سايىن ارتىپ, ىستىق ىقىلاسقا بولەنۋى كوڭىلگە كوركەم قۋانىش ۇيالاتقانى ءسوزسىز. كورەرمەن قاۋىمنىڭ سۇرانىسىنىڭ شەكسىز ەكەنىنە الىس-جاقىن قالالار مەن شاعىن اۋىلداردا تۇراتىندارىنا قاراماستان, سپەكتاكلدى كورۋگە دەگەن قۇلشىنىستارىنىڭ بيىك بولۋى دالەل.
« ۇلى ونەردى قۇرمەتتەگەن, اياۋلى كورەرمەننىڭ ىستىق ىقىلاسىن ەسكەرگەن تەاتر قازاق تەاترلارى اراسىندا العاشقى بولىپ ارنايى وزگە ەلدى مەكەندەر مەن قالالار ءۇشىن «سەزىم ساپارى» اتتى سپەكتال-تۋر باستادى. سەزىمگە تولى ساپار قۇرمەتتى كورەرمەننىڭ سۇرانىسىمەن ەلىمىزدىڭ وننان اسا قالالارىن ارالاپ, ءار كورسەتىلىمدى انشلاگپەن وتكىزىپ ۇلگەردى. كورەرمەندەرگە كوركەم قويىلىم تارتۋ ەتىپ عانا قويماي, ارتيستەرمەن كەزدەسۋ ۇيىمداستىرىپ, ەڭ بەلسەندى كورەرمەندەرگە تەاتردان ەستەلىك رەتىندە ءتۇرلى سىيلىقتار جاسالدى. سەزىمگە تولى ءساتتى سەزىنۋگە اسىق ونەرسۇيەر قاۋىمنىڭ قاراسى مۇنىمەن شەكتەلمەيتىنى ءمالىم. وسى سۇرانىستى ەسكەرگەن مۇسىرەپوۆ تەاترى كەزەكتى قالالارعا ساپار شەكپەك», دەلىنگەن حابارلامادا.
«سەزىم ساپارى» سپەكتاكل-تۋرى كەزەكتى ايالدامالارى:
- ءساۋىردىڭ 15-ءى ساعات 19:00-دە كيەلى تۇركىستان قالاسىنداعى تۇركىستان مۋزىكالىق دراما تەاترى;
- 18-ءساۋىر ساعات 19:00-دە شىمكەنت قالاسىنداعى ج.شانين اتىنداعى شىمكەنت قالالىق اكادەميالىق قازاق دراما تەاترىندا;
- 20-ءساۋىر ساعات 19:00 دە تاريحي تاراز قالاسىنداعى ا.توقپانوۆ اتىنداعى جامبىل وبلىستىق قازاق دراما تەاترىندا ماحاببات داستانىن شىرقاۋ ءۇشىن قۇرمەتتى كورەرمەنىن كۇتەدى.
بيلەتتەر اتالعان تەاترلاردىڭ تيكەتون سايتىندا قولجەتىمدى.
