فوتو: aikyn.kz
ەسكە سالايىق, 2022 جىلى قابىلدانعان ماڭىزدى ساياسي رەفورمالاردىڭ ءبىرى – ءماجىلىس پەن ماسليحاتتارعا دەپۋتاتتاردىڭ ءبىر بولىگى ماجوريتارلىق جۇيە بويىنشا سايلانۋ مۇمكىندىگىنە قايتا يە بولعانى ەدى.
ماجوريتارلىق سايلاۋ جۇيەسىنىڭ ەنگىزىلۋى – ساياسي جۇيەنى قايتادان باسەكەلەستىككە, ازاماتتاردىڭ قاتىسۋىنا جانە داۋىس بەرۋ ناتيجەلەرىن ەسەپكە الۋعا جول اشتى.
سايلاۋدىڭ بۇل جۇيەسى ازاماتتارعا تىكەلەي ساياسي قاتىسۋ مۇمكىندىگىن اشاتىنى ءمالىم. ياعني, ءماجىلىس پەن ءماسليحات دەپۋتاتتىعىنا ءوز كانديداتۋراسىن ۇسىنۋ ءۇشىن ازاماتتاردىڭ مىندەتتى تۇردە ساياسي پارتياعا مۇشە بولۋى شارت ەمەس. ءسويتىپ, قازاقستان ازاماتتارى وزدەرىنىڭ سايلانۋ قۇقىعىن جۇزەگە اسىرۋ مۇمكىندىگىن قايتا الدى, بۇل ولاردى قوعامداعى پارتيالار سپەكترىمەن شەكتەمەيدى. 2023 جىلعى ءماجىلىس سايلاۋىندا 30% ماندات, ياعني 29 دەپۋتاتتىق ورىن ماجوريتارلىق جۇيە بويىنشا سايلانسا, وسى 29 ورىننىڭ 7-ەۋى – ءوزىن-ءوزى ۇسىنعان كانديداتتار, ال 22-ءسى – «Amanat» پارتياسىنىڭ مۇشەلەرى. ءوزىن-ءوزى ۇسىنعان بىرمانداتتىق دەپۋتاتتار سانى نپك (5 دەپۋتات) جانە وسدپ (4 دەپۋتات) سياقتى پارتيالىق تىزىمدەر ارقىلى وتكەن كانديداتتار سانىنان اسىپ تۇسكەن. وسىلايشا, سايلاۋ جۇيەسىن رەفورمالاۋ ازاماتتارعا ۇلتتىق جانە وڭىرلىك دەڭگەيلەردە ءپاسسيۆتى سايلاۋ قۇقىعىن جۇزەگە اسىرۋعا مۇمكىندىك بەرگەن.
ء«ماسليحات دەپۋتاتتارىن سايلاۋ – 2023: ەرەكشەلىكتەر مەن ۇردىستەر» اتتى مونوگرافيا اۆتورلارىنىڭ مالىمەتتەرىنشە وبلىستار مەن استانا, الماتى, شىمكەنت قالالارىنىڭ ءماسليحاتتارىنا بىرمانداتتىق وكرۋگتەر ارقىلى سايلانعان دەپۋتاتتاردىڭ 297-ءسى پارتيا مۇشەلەرى بولىپ شىقتى, ياعني 334 ورىننىڭ 88,9%-ىن يەلەندى. بۇل رەتتە كانديداتتاردىڭ جالپى سانى بويىنشا پارتياعا كىرمەيتىندەر ۇلەسى جوعارى بولعان – 63,1% قارسى 36,9%.
ايتا كەتسەك, قالالىق جانە اۋداندىق ءماسليحاتتار دەڭگەيىندە دە وسىنداي ءۇردىس بايقالعان – بىرمانداتتىق وكرۋگتەر بويىنشا ءوزىن-ءوزى ۇسىنعان كانديداتتار پارتيالىق ۇمىتكەرلەردەن كوپ بولعان.
تۇيىندەي ايتقاندا, قوعام قولداعان ماجوريتارلىق سايلاۋ رەفورماسى – باستى وڭ وزگەرىستەردىڭ ءبىرى.
