فوتو: اشىق دەرەككوز
«وسى باستامالار (سالىق رەفورماسى — رەد.) اياسىندا كوپتەگەن ساراپشىلار پايدا بولدى, ءارتۇرلى مالىمدەمەلەر جاسالدى. مىسالى, كەشە, قاتەلەسپەسەم, قوستاناي نەمەسە شقو-داعى ءۇي جانىنداعى دۇكەن يەلەرى ءوز پىكىرلەرىن ءبىلدىردى. ولار وڭىرلىك كاسىپكەرلەر پالاتاسىمەن كەزدەسىپ, ققس (قوسىلعان قۇن سالىعى) ولاردىڭ سوڭعى نانىن تارتىپ الادى دەپ الاڭداۋشىلىق ءبىلدىردى», دەدى سەرىك جۇمانعارين.
مينيستر قوسىلعان قۇن سالىعىنىڭ ءوسۋى بولشەك ساۋدامەن اينالىساتىندارعا اسەر ەتپەيتىندىگىن اتاپ ءوتتى.
ء«بىز ءاردايىم حالىقپەن جۇمىس ىستەيتىندەردىڭ — بولشەك ساۋدا وكىلدەرىنىڭ, ياعني ءۇي جانىنداعى دۇكەندەردىڭ, دۇڭگىرشەكتەردىڭ, شاعىن دۇكەندەردىڭ, مەيرامحانالار مەن شاشتارازداردىڭ بۇل رەفورمادان ەشقانداي زارداپ شەكپەيتىنىن مالىمدەپ كەلەمىز. ولار بۇرىن قالاي بولشەك رەجيمدە جۇمىس ىستەپ, جىلدىق جيىنتىق تابىسى 2,4 ملرد تەڭگە شەگىندە 4% سالىق تولەپ كەلسە, سولاي تولەي بەرەدى. ولار ءۇشىن ەشتەڭە وزگەرمەيدى. بۇل رەفورما بيزنەستىڭ كەي سالاسىنا عانا قاتىستى. حالىقپەن جۇمىس ىستەپ, بازاردا ساۋدا جاسايتىندار, وتباسىن اسىراپ وتىرعاندار ءۇشىن ەشقانداي وزگەرىس بولمايدى», دەدى سەرىك جۇمانعارين.
