فوتو: سپورتتى دامىتۋ ديرەكتسياسى
ەسكە سالايىق, حاربيندە (قىتاي) ءوتىپ جاتقان IX قىسقى ازيادادا كەرلينگتەن ءامينا سەيىتجانوۆا مەن ازيزبەك ناديرباەۆ (ارالاس جۇپتىق باسەكە) ءبىرىنشى, ەكىنشى ويىنداردا قىتاي جانە كورەيا سپورتشىلارىنا ەسە جىبەرسە, ءۇشىنشى ويىندا قاتار قۇراماسىنان باسىم (7-4) ءتۇسىپ, العاشقى جەڭىسىنە قول جەتكىزدى.
ال ءتورتىنشى ويىندا وتانداستارىمىز قىرعىز سپورتشىلارىن ايقىن باسىمدىقپەن (12-5) ۇتىپ, ەكىنشى رەت جەڭىسكە جەتتى.
ەندى سپورتشىلارىمىز بەسىنشى ويىندا بۇگىن استانا ۋاقىتىمەن ساعات 15:00-دە فيليپپين كومانداسىمەن كەزدەسەدى.
