NASA يۋپيتەردىڭ جەر سەرىگىنەن ءومىر بەلگىسىن ىزدەۋدى قولعا الدى

استانا. 18 ماۋسىم. كەلەسى ونجىلدىقتا اقش-تىڭ NASA عارىش اگەنتتىگى يۋپيتەردىڭ ەڭ اتاقتى سەرىگى – ەۋروپاعا ۇشاتىن قۇرىلعى جىبەرمەك. بۇل تۋرالى NASA-نىڭ رەسمي سايتىنا سىلتەمە جاساعان lifenews.ru حابارلادى. اگەنتتىك سايتىنىڭ حابارلاۋىنشا, عارىشتىڭ مىندەتى قاراپايىم, ول – عالامشاردان ءومىر بەلگىسىن ىزدەپ تابۋعا تالپىنۋ. ەۋروپا عالامشارىنىڭ باستى ەرەكشەلىگى – ونىڭ بەتى كوپ شاقىرىمدىق مۇز قاباتىمەن جابىلعان. ال, بۇل قالىڭ مۇزدىڭ استىندا جەردەگىدەن ەكى ەسە ۇلكەن شەكسىز مۇحيت سوزىلىپ جاتىر. وسى دەرەكتەرگە گاليلەو دەپ اتالاتىن اۋقىمدى زەرتتەۋ بارىسىندا قول جەتكىزىلگەن ەدى. اتالعان زەرتتەۋ جۇمىستارى وتكەن عاسىردىڭ 90-جىلدارى باستاۋ الدى. سۋدىڭ تۇزبەن بايىتىلعانى, تۇبىندە تاستىڭ بار ەكەندىگى, تولقىننان تۋار جىلۋ مەن قۋاتتىڭ بەلگىسى راستالسا, بۇل مۇحيت قاراپايىم اعزالاردىڭ ءومىر سۇرۋىنە جارامدى بولۋى ابدەن مۇمكىن. كەلەسى عارىش تاپسىرماسى ءبىراز ۋاقىتتان بەرى دايىندالىپ كەلەدى. وسىعان وراي زەرتتەۋ قۇرىلعىسى 2020-جىلدارى-اق يۋپيتەر سەرىگىنە جىبەرىلەدى دەپ كۇتىلۋدە. عارىش قۇرىلعىسى عالامشار بەتىنە 45 رەت ۇشىرىلادى دەپ جوسپارلانىپ وتىر. ۇشۋ كەزىندە قۇرىلعى باسقارۋ ورتالىعىنا ساپالى فوتوسۋرەتتەر, سونىمەن قاتار, بەتكى قاباتتىڭ قۇرىلىمى تۋرالى مالىمەتتەردى تاراتادى. ەلامان قوڭىر. دەرەك, سۋرەت: lifenews.kz.