كەرەك دەرەككە جۇگىنسەك, مورجۇزىك – بيلىك ءۇشىن ماڭىزدى نىشاننىڭ ءبىرى بولعان. سان ءتۇرلى ويۋ-ورنەكپەن ادىپتەلگەن جادىگەرلەردەگى بەينەلەردىڭ ءارتۇرلى ماعىناسى, ءمانى بار. ەجەلگى تۇركىلەردىڭ تانىم-تۇسىنىگەندە مورجۇزىك كيەلى مەتالل سانالاتىن كۇمىستەن جاسالادى ەكەن. قاسيەتتى قۇندىلىققا تەلىنگەن جادىگەردىڭ ءبىرى وبلىستىق تاريحي-ولكەتانۋ مۋزەيىنىڭ قورىندا ساقتاۋلى تۇر.
ء«بىزدىڭ مۋزەيدە ءار عاسىردىڭ كۋاسىندەي بولعان قۇندى جادىگەرلەر جەتكىلىكتى. تاريحي دەرەككە جۇگىنسەك, مورجۇزىك بايىرعى تۇركىلەردىڭ تانىمىندا اسپان مەتالى سانالاتىن كۇمىسپەن ادىپتەلەدى ەكەن. مامانداردىڭ ايتۋىنشا, جادىگەردى ساقتاۋعا ارنالعان ارنايى اعاش قوراپ بار كورىنەدى. ولار ارقاردىڭ مۇيىزىنەن جاسالعان دەسەدى. مورجۇزىكتەردىڭ باسىم كوپشىلىگىندە اراب تىلىندەگى سوزدەر جازىلعان. مۇنىڭ ءبارى سول كەزەڭدەگى تانىم مەن تاريحتان, ءدىني ۇستانىم مەن داستۇردەن سىر شەرتىپ تۇر دەپ پايىمداۋعا بولادى», دەيدى وبلىستىق تاريحي-ولكەتانۋ مۋزەيىنىڭ قىزمەتكەرى لاۋرا بايتۇرسىنوۆا.
مۋزەي مامانىنىڭ ايتۋىنشا, قوردا ساقتاۋلى تۇرعان قۇندى جادىگەردىڭ كولەمى 3 سانتيمەتردى قۇرايدى. ءپىشىنى ءتورتبۇرىش ءتارىزدى مورجۇزىك مۋزەيگە 1974 جىلى تابىستالىپتى. تاراز قالاسىنىڭ تۇرعىندارىنىڭ ءبىرى جەكە جەر ۋچاسكەسىن قازىپ جاتقان كەزدە مورجۇزىكتى تاۋىپ العان. ول جادىگەردى ءوز ۇيىندە ساقتاماي, وبلىستىق تاريحي-ولكەتانۋ مۋزەيىنىڭ قورىنا تاپسىرۋدى ءجون دەپ تاپقان كورىنەدى.
تاراز
