فوتو: اشىق دەرەككوز
ەسەپتەگى مالىمەتكە سۇيەنسەك, گروزنىي اۋەجايىنا ەكى رەت قونا الماعاننان كەيىن ەكيپاج باكۋگە ورالۋدى ۇيعارعان. ساعات 05:13:32-دە كەرى قايتۋ كەزىندە ۇشاقتىڭ نەگىزگى باسقارۋ جۇيەلەرى جوعالعان.
ء«ارى قاراي, ساعات 05.42-دە ەكيپاج اقتاۋداعى قوسالقى اەرودرومعا شۇعىل قونۋعا شىعۋ تۋرالى شەشىم قابىلدادى. ۇشاق بورتىندا ەكيپاجدىڭ بەس مۇشەسى جانە 62 جولاۋشى بولعان. اپات سالدارىنان ۇشاق كومانديرى, ەكىنشى ۇشقىش, اعا بورتسەرىك جانە 35 جولاۋشى (بارلىعى 38) قايتىس بولدى (ونىڭ ىشىندە التى قازاقستان ازاماتى, 25 ازەربايجان, جەتەۋى رەسەي ازاماتى), ەكى بورتسەرىك جانە 27 جولاۋشى ءتۇرلى دارەجەدەگى دەنە جاراقاتتارىن العان. سالدارىنان ۇشاق قيراپ, جارتىلاي جانىپ كەتكەن», دەلىنگەن حابارلامادا.
ۇشاق اپاتى اقتاۋ اەرودرومىنىڭ 11 ۇشۋ-قونۋ جولاعىنىڭ شەتجاعىنان سولتۇستىك-باتىسقا قاراي شامامەن 5 شاقىرىم جەردە (اقتاۋدان سولتۇستىك-باتىسقا قاراي شامامەن 25 شاقىرىم جەردە) بولدى.
تەرگەۋ كوميسسياسى ۇشاقتىڭ ارتقى بولىگىنەن كوپتەگەن شۇرىق تەسىكتى انىقتاعان. بۇعان قوسا, سول جاق موتور مەن سول جاق قاناتى دا ب ۇلىنگەن. كەيبىر تەسىك سىرتتان ۇشىپ كەلگەن زاتتاردان بولعان.
تەكسەرۋ جۇمىستارىنا ۇشاقتى جاساعان ۇيىمنىڭ جانە «ازەربايجان حاۆا يوللارى» جاق اۋە كومپانياسىنىڭ وكىلدەرى قاتىسقان.
الدىن-الا ەسەپ كولىكتەگى وقيعالار مەن وقىس وقيعالاردى تەكسەرۋ دەپارتامەنتىنىڭ رەسمي سايتىندا جاريا ەتىلدى.
ناقتى ەسەپ تەرگەۋ جۇمىستارى تولىق اياقتالعاننان كەيىن بەرىلەدى.
