فوتو: اشىق دەرەككوز
اتاپ ايتساق, «ەسىك كولى بوگەتى», «ساز تالعار 7», «بايسەركە 2», «ۆوروشيلوۆسكوە», «ك 3» سوت شەشىمىمەن مەملەكەتكە قايتارىلسا, «تەرەن قارا» (جوعارعى), «ساز تالعار 4», «ك30/1» كەلىسىم نەگىزىندە قايتارىلعان. قازىر بۇل نىساندار وبلىس اكىمدىگىنە قاراستى «الماتى وبلۆودحوز» مەملەكەتتىك كاسىپورنىنىڭ باسقارۋىنا بەرىلدى. اتالعان نىسانداردىڭ بارلىعى تالعار, ىلە جانە قاراساي اۋداندارىندا ورنالاسقان.
نىساندار مەملەكەتتىك مەنشىككە وتكەننەن كەيىن, بيلىك ولاردى ۋاقتىلى جاڭعىرتىپ, جوندەۋ جۇمىستارىن جۇرگىزە الادى. ولاردىڭ قاتارىندا دامبالاردى نىعايتۋ جانە سۋ جىبەرۋ شليۋزدەرىن جوندەۋ, سۋ قويمالارىنىڭ جاعدايىن, اسىرەسە سۋ تاسقىنى كەزەڭىندە باقىلاۋدى كۇشەيتۋ, نىسانداردى تۇراقتى مونيتورينگتەن وتكىزۋ شارالارى جوسپارلانۋدا. سونىمەن قاتار, سۋ قويمالارىن ءارى قاراي پايدالانۋ ءۇشىن جەكە ينۆەستورلاردى تارتۋ كوزدەلگەن.
مىسالى, «ەسىك كولى بوگەتى» مەن «تەرەن قارا» نىساندارىنا 23 ملرد تەڭگەدەن استام ينۆەستيتسيا تارتۋ تۋرالى كەلىسىم جاسالدى, ول 210 جاڭا جۇمىس ورىن اشۋعا مۇمكىندىك بەرەدى. بۇل شارالار ءوڭىردىڭ اۋىل شارۋاشىلىعىن جانە تۇرعىندارىن تۇراقتى سۋمەن قامتاماسىز ەتىپ قانا قويماي, تۋريستىك ينفراقۇرىلىمنىڭ دامۋىنا جاعداي جاسايدى. بۇل ءوز كەزەگىندە وبلىس ەكونوميكاسىنا وڭ اسەرىن تيگىزەدى.
سونداي-اق, تۋريزم مەن بالىق شارۋاشىلىعىن دامىتۋ جوسپارلانىپ وتىر, بۇل ايماقتىق بيۋدجەتكە تۇسەتىن قارجىلىق جۇكتەمەنى ازايتۋعا كومەكتەسەدى. وسى تۇرعىدا جەكە ينۆەستيتسيالاردى تارتۋدىڭ, جاڭا جۇمىس ورىندارىن اشۋدىڭ جانە شاعىن بيزنەستى دامىتۋدىڭ ماڭىزى ارتا تۇسەدى.
ء«بىزدىڭ باستى ماقساتىمىز – سۋ رەسۋرستارىن ءتيىمدى پايدالانۋ. نىسانداردى مەملەكەتتىك باسقارۋعا قايتارۋ ولاردىڭ ۋاقىتىلى جوندەلۋىنە جانە دۇرىس پايدالانىلۋىنا مۇمكىندىك بەرەدى. ال ينۆەستيتسيا تارتۋ – ءوڭىردىڭ دامۋىنا, جۇمىس ورىندارىنىڭ كوبەيۋىنە جانە بيۋدجەت كىرىسىنىڭ ارتۋىنا ىقپال ەتەدى», دەپ اتاپ ءوتتى الماتى وبلىسى قارجى باسقارماسىنىڭ باسشىسى بيبىگۇل ۇزاقوۆا.
