فوتو: عىلىم جانە جوعارى ءبىلىم مينيسترلىگى
قاڭتار ايىنداعى ۇبت-نىڭ ءۇش اپتاسىندا 126 مىڭعا جۋىق ادام تەست تاپسىرعان. شەكتى بالدى 72%-عا جۋىق تالاپكەر جينادى. ورتاشا بالل 67 بالدى قۇراسا, ەڭ جوعارى بالل – 138, ونى شىمكەنت وقۋشىسى جيناعان. 150 تالاپكەر 130 بالدان جوعارى بالل جينادى. 78,7%-ى قازاق تىلىندە, 21,2%-ى ورىس تىلىندە, 62 ادام اعىلشىن تىلىندە تەستىلەۋدەن ءوتتى.
تالاپكەرلەردىڭ باسىم بولىگى, 17,8%-ى «بيولوگيا-حيميا» پاندەر كومبيناتسياسىن تاپسىرسا, 17,2%-ى «ماتەماتيكا-فيزيكا» جانە 10,4%-ى «ماتەماتيكا-ينفورماتيكا» كومبيناتسياسىن تاڭداعان. ەڭ از تاڭدالعان كومبيناتسيا – «حيميا-فيزيكا», ونى 149 ادام تاپسىرعان.
ەرەكشە ءبىلىم بەرۋ قاجەتتىلىكتەرى بار وقۋعا تۇسۋشىلەر ءۇشىن قولايلى جاعداي جاساۋدىڭ ارقاسىندا قاڭتار ۇبت-سىنا 295 تالاپكەر قاتىسقان.
تالاپكەرلەر تەستىلەۋ اياقتالعاننان كەيىن 30 مينۋت ىشىندە اپەللياتسياعا بەرە الادى, بۇل جاعدايدا سەرتيفيكات اپەللياتسيا تۋرالى شەشىم قابىلدانعاننان كەيىن تەستىلەنۋشىنىڭ جەكە كابينەتىندە قولجەتىمدى بولادى.
قازىرگى ۋاقىتتا 142 ادامنىڭ ناتيجەسى جويىلعان. ونىڭ ىشىندە 89 تالاپكەر سمارتفون جانە شپارگالكا سياقتى تىيىم سالىنعان زاتتاردى الىپ ءوتۋ ارەكەتى سالدارىنان تەست تاپسىرۋ مۇمكىندىگىنەن ايىرىلسا, تەستىلەۋ كەزىندە ەرەجەلەردى بۇزعانى ءۇشىن اۋديتوريادان 53 ادام شىعارىلعان.
ايتا كەتسەك, 2025 جىلعى ۇبت اياقتالعاننان كەيىن كۇنتىزبەلىك جىلدىڭ 31 قازانىنا دەيىن تەستىلەۋدىڭ بەينەجازبالارىنا تالداۋ جۇرگىزىلەدى. تىيىم سالىنعان زاتتاردى پايدالانۋ نەمەسە ەرەجەلەردى بۇزۋ فاكتىلەرى انىقتالعان جاعدايدا ءتۇسۋشىنىڭ ۇبت ناتيجەلەرى جويىلادى.
ەسكە سالايىق, قاڭتار ۇبت-سى 13 قاڭتار – 10 اقپان ارالىعىندا وتەدى. تەستىلەۋگە قاتىسۋعا 167 مىڭعا جۋىق تالاپكەر نيەت بىلدىرگەن.
