فوتو: Qazsporttv
قازاقستان كونكيشىسى الينا داۋرانوۆا 500 مەتر قاشىقتىقتا مارە سىزىعىن ەكىنشى بولىپ كەسىپ, جارىستىڭ كۇمىس جۇلدەگەرى اتاندى.
Qazsporttv مالىمەتىنشە, بۇعان دەيىن داۋرانوۆا كوماندالىق سپرينتتە جانە 1000 مەتر قاشىقتىقتا التىن مەدال يەلەنگەن. وسىلايشا, ول ءبىر جارىس اياسىندا ەكى التىن جانە ءبىر كۇمىس مەدال جەڭىپ, ءوزىنىڭ جوعارى دەڭگەيدەگى سپورتتىق شەبەرلىگىن تاعى ءبىر مارتە دالەلدەدى.
ايتا كەتەيىك, الينا داۋرانوۆا – كونكي سپورتىنىڭ جاس جۇلدىزدارىنىڭ ءبىرى. ول حالىقارالىق ارەنالارداعى جوعارى ناتيجەلەرىمەن جاس سپورتشىلارعا ۇلگى كورسەتىپ كەلەدى.
