فوتو: باس پروكۋراتۋرا
ەلىمىزدە قارجى پيراميداسىن ۇيىمداستىرعان كۇدىكتى شەتەلدە كىسى ولتىرگەنى ءۇشىن سوتتالعان.
قازاقستاندا «QI-Trade» قارجى پيراميداسىن ۇيىمداستىرعان كۇدىكتى 4,7 مىڭنان استام سالىمشىنىڭ 15 ميلليارد تەڭگەسىن زاڭسىز يەمدەنگەنى ءۇشىن ايىپتالىپ وتىر. ونىڭ سىبايلاستارى سوت شەشىمىمەن ءتۇرلى مەرزىمگە باس بوستاندىعىنان ايىرىلعان.
ۇيىمداستىرۋشىلاردىڭ ءبىرى بولعان كۇدىكتى ۇزاق ۋاقىت بوي تاسالاپ جۇرگەن. حالىقارالىق ىزدەۋدە جۇرگەن ونىڭ كورشى ەلدە كىسى ولتىرگەنى ءۇشىن سوتتالعانى بەلگىلى بولدى.
باس پروكۋراتۋرانىڭ حابارلاۋىنشا, كۇدىكتى قازاقستاننىڭ سۇراۋى بويىنشا ۋاقىتشا ەلگە جەتكىزىلگەن. ول قارجى پيراميداسىن قۇرىپ, باسقارعانى ءۇشىن قىلمىستىق جاۋاپكەرشىلىككە تارتىلعاننان كەيىن قىرعىز رەسپۋبليكاسىنا قايتارىلادى. كورشى مەملەكەتتە جازاسىن وتەگەن سوڭ, كۇدىكتى قازاقستاندا جاساعان قىلمىسى ءۇشىن دە سوتتالادى.
اتالعان قىلمىستار بويىنشا كۇدىكتىنىڭ مۇلكى تاركىلەنىپ, ول 12 جىلعا دەيىن باس بوستاندىعىنان ايىرىلۋى مۇمكىن.
