كاسپي تەڭىزىندە زاڭسىز بالىق اۋلاعان داعىستاندىق ۇستالدى

اقتاۋ. 18 ماۋسىم. كاسپي تەڭىزىندە زاڭسىز بالىق اۋلاعان داعىستاندىقتار ۇستالدى. ولاردىڭ بىرىنە شەكاراشىلاردىڭ قايىقتىڭ موتورىنا اتقان وعى ءتيىپ, جاراقاتاندى. بۇل تۋرالى egemen.kz ءتىلشىسى حابارلادى. كاسپي تەڭىزىندەگى شەكارانى كۇزەتىپ جۇرگەن شەكارا قىزمەتىنىڭ ساربازدارى كەزەكتى بارلاۋ كەزىندە زاڭسىز بالىق اۋلاپ جۇرگەن براكونەرلەردى انىقتادى. «توقتا!» دەگەن بۇيرىققا موتورلى قايىققا مىنگەن ءۇش ادام قۇلاق اسپاعان كۇيى رەسەي تەرريتورياسى جاققا قاشىپ, بوي تاسالاماق بولىپتى. ولاردى توقتاتۋ ماقساتىندا شەكاراشىلار قايىقتىڭ موتورىنا قاراي وق اتقان. ناتيجەسىندە سۋ كولىگىنىڭ ەكى قوزعالتقىشى ىستەن شىعىپ, سونداي-اق, براكونەرلەردىڭ ءبىرى جاراقاتتانادى. شەكاراشىلاردىڭ ايتۋىنشا, ول رەسەيدىڭ داعىستان رەسپۋبليكاسىنىڭ ازاماتى ەكەن. مويىن تۇسىنان جارالانعان براكونەر دەرەۋ اقتاۋ قالاسىنداعى وبلىستىق اۋرۋحاناعا جەتكىزىلگەن. «قازىرگى جاعدايى بىرقالىپتى, ومىرىنە قاۋىپ جوق», – دەيدى دارىگەرلەر. ال زاڭ بۇزۋشىلاردىڭ قايىعىن تەكسەرۋ بارىسىندا 12 قاپ اۋ, 4 بوشكە جانارماي جانە 3 ۇيالى تەلەفون تاركىلەندى. گۇلايىم شىنتەمىرقىزى. دەرەك, سۋرەت: egemen.kz.