جوعارعى سوتتىڭ ءباسپاسوز قىزمەتىنىڭ مالىمەتىنشە وتىرىس بارىسىندا جالپى جانە كەڭەيتىلگەن جالپى وتىرىستارىنىڭ رەگلامەنتىنە تۇزەتۋلەر, سونداي-اق سۋديانىڭ كاسىبي قىزمەتىن باعالاۋ ادىستەمەسىنىڭ جوباسى قارالدى.
قاتىسۋشىلار الدىندا سويلەگەن سوزىندە ا.مەرعاليەۆ زاڭناماداعى تۇزەتۋلەر رەگلامەنتكە وزگەرىستەر ەنگىزۋ قاجەتتىگىن اتاپ ءوتتى. اتاپ ايتقاندا, قىزمەتتىك مىندەتتەرىن تيىسىنشە ورىنداماعانى ءۇشىن تارتىپتىك ءىس جۇرگىزۋ اياسىنداعى ولاردىڭ ارەكەتتەرىن تەكسەرۋ ءۇشىن سوتتاردىڭ جانە القالاردىڭ توراعالارىنا قاتىستى ماتەريالداردى سوت جيۋريىنە بەرۋ تۋرالى ءسوز بولدى.
سونداي-اق, سوت جيۋريىنە سوت ىستەرىن قاراۋ كەزىندە زاڭدى ورەسكەل بۇزعانى ءۇشىن وبلىستىق سوتتاردىڭ, القالار توراعالارىن, جوعارعى سوتتىڭ سۋديالارىن نەمەسە القالار توراعالارىن تارتىپتىك جاۋاپكەرشىلىككە تارتۋ نەمەسە تارتپاۋ تۋرالى ۇسىنىم بەرۋ مۇمكىندىگى قارالدى.
بۇدان باسقا, رەگلامەنتكە تۇزەتۋلەردىڭ قاجەتتىگى كاسساتسيالىق سوتتاردىڭ قۇرىلۋىنا, سوت ءجيۋريىنىڭ جانە سوت تورەلىگىنىڭ ساپاسى جونىندەگى كوميسسيانىڭ قۇرامىنىڭ وزگەرۋىنە دە بايلانىستى تۋىندادى.
جوعارعى سوتتىڭ سۋدياسى, سوت تورەلىگىنىڭ ساپاسى جونىندەگى كوميسسيانىڭ توراعاسى ارىستانبەك ستىباەۆ سۋديانىڭ كاسىبي قىزمەتىن باعالاۋ ادىستەمەسىنە ەنگىزىلگەن وزگەرىستەر سوت تورەلىگىن جۇزەگە اسىرۋعا بايلانىستى ەمەس بىرقاتار ولشەمشارتتاردى الىپ تاستايتىنىن (مورالدىق جانە ىسكەرلىك قاسيەتتەر, سوتتان تىس جۇمىس جۇكتەمە), ويتكەنى ولار باسقا سوت ورگاندارىنىڭ, ياعني سوت ءجيۋريى, ادەپ جونىندەگى كوميسسيا, جالپى وتىرىس فۋنكتسيالارىن قايتالايتىنىن اتاپ ءوتتى. بۇل كوميسسياعا نەگىزگى كورسەتكىش – سوت تورەلىگىن ساپالى جۇزەگە اسىرۋعا مۇمكىندىك بەرەدى.
جاڭارتىلعان ادىستەمەگە سايكەس, سۋديانىڭ كاسىبي قىزمەتىن باعالاۋ كەلەسى ولشەمشارتتار بويىنشا جۇزەگە اسىرىلاتىن بولادى:
-كاسىبي ءبىلىمى جانە ونى ىستەردى قاراۋدا قولدانا ءبىلۋى;
-سوت قىزمەتىنىڭ ناتيجەلەرى.
بارلىق ساندىق كورسەتكىشتەر ارنايى ستاتيستيكالىق IT-مودۋلىمەن اۆتوماتتى تۇردە جاسالادى. قۇجات جوعارى سوت كەڭەسىمەن كەلىسىلگەن, سۋديالارمەن پىسىقتالعان, بۇل رەتتە كەلىپ تۇسكەن بارلىق ۇسىنىستار ەسكەرىلگەن.
ا.ستىباەۆتىڭ اتاپ وتكەندەي, سوت تورەلىگىنىڭ ساپاسى جونىندەگى كوميسسيا جىل سايىن بارلىق ساتىداعى 400-دەن استام سۋديانىڭ قىزمەتىنە باعالاۋ جۇرگىزەدى. 2019 جىلدان بەرى 2416 سۋديا كاسىبي باعالاۋدان ءوتتى.
تالقىلاۋ قورىتىندىسى بويىنشا وتىرىسقا قاتىسۋشىلار ەنگىزىلگەن تۇزەتۋلەردى بەكىتتى. جاڭارتىلعان قۇجات جوعارعى سوت سايتىنىڭ «زاڭناما» بولىمىندە جاريالانادى.
