فوتو: اشىق دەرەككوز
ۆەدومستۆونىڭ حابارلاۋىنشا, ءتارتىپ بۇزۋشىلار اراسىندا 9 باسشى, 248 جاتتىقتىرۋشى جانە 21 باسقا دا قىزمەتكەرلەر بار. مۇنداي جاعدايلاردىڭ ەڭ كوپ سانى تۇركىستان وبلىسىندا (44 جاعداي), اتىراۋ (30), الماتى (26), جامبىل (22) جانە اقمولا (20) وبلىستارىندا تىركەلگەن.
«مىسالى, استانا قالاسىندا وليمپيادالىق رەزەرۆتىڭ بالالار-جاسوسپىرىمدەر سپورت مەكتەبىنىڭ باسشىلارىنىڭ ءبىرى جوعارى ءبىلىم تۋرالى جالعان ديپلوممەن جۇمىس ىستەگەن. ونىڭ وقۋ بارىسىندا باسقا سپورت ۇيىمىندا نۇسقاۋشى قىزمەتىن اتقارعانى انىقتالدى», دەدى دانيار بيگايداروۆ.
قابىلدانعان شارالار اياسىندا 250 جەكە تۇلعامەن ەڭبەك شارتى بۇزىلعان. ال, قالعاندارىن جۇمىستان بوساتۋ ماسەلەسى تەرگەۋ ناتيجەلەرى بويىنشا شەشىلەدى.
«مۇنداي تاۋەكەلدەردى جويۋ ماقساتىندا اگەنتتىك تۋريزم جانە سپورت مينيسترلىگى مەن اكىمدىكتەرگە الداعى ۋاقىتتا مۇنداي وقيعالاردىڭ الدىن الۋ بويىنشا ءتيىستى ۇسىنىستار بەردى. بۇل باعىتتاعى جۇمىستار ءالى جالعاسىپ جاتىر», دەدى سىبايلاس جەمقورلىققا قارسى قىزمەتتىڭ رەسمي وكىلى.
