فوتو: اشىق دەرەككوز
«جاقىن ارادا ءبىز الماتى وبلىسىندا ءبىرىنشى اتوم ەلەكتر ستانساسىن (اەس) سالۋ بويىنشا قاجەتتى كەلىسىمدەردى جاسايمىز. سونداي-اق ەكىنشى جانە ءۇشىنشى اەس قۇرىلىس الاڭدارىن انىقتاۋ بويىنشا وڭىرلەردە تالداۋ جۇمىستارى اياقتالىپ جاتىر», دەدى پرەمەر-مينيستر.
ەستەرىڭىزگە سالا كەتەيىك, 2024 جىلدىڭ قاراشاسىندا ەنەرگەتيكا مينيسترلىگى اتوم ەلەكتر ستانتسياسىن سالۋ تەحنولوگيالارىن الەۋەتتى جەتكىزۋشىلەرمەن كەلىسسوزدەر باستالعانىن حابارلاعان ەدى.
بۇگىن استانادا مەملەكەت باسشىسىنىڭ قاتىسۋىمەن ۇكىمەتتىڭ كەڭەيتىلگەن وتىرىسى ءوتىپ جاتىر. جيىندا ەلىمىزدىڭ 2024 جىلعى الەۋمەتتىك-ەكونوميكالىق دامۋى قورىتىندىلانىپ, بولاشاقتاعى نەگىزگى مىندەتتەر ايقىندالادى. پرەمەر-مينيستر ولجاس بەكتەنوۆ, ۇلتتىق بانك توراعاسى تيمۋر سۇلەيمەنوۆ, سونداي-اق بىرقاتار وبلىس اكىمدەرى بايانداما جاسايدى.
