وتكەن اپتاداعى سپورتشىلاردىڭ جەتىستىكتەرى

جەڭىل اتلەتيكا: ەلورداداعى Qazaqstan جەڭىل اتلەتيكا كەشەنىندە World Athletics Indoor Tour Gold سەرياسى شەڭبەرىندە وتكىزىلگەن Astana Indoor Meet for Amin Tuyakov Prizes تۋرنيرىندە وتانداستارىمىز 2 قولا جۇلدە ەنشىلەدى.

ۋنيۆەرسيادا-2025: يتاليانىڭ تۋرين قالاسىندا وتكەن قىسقى ۋنيۆەرسيادادا قازاقستان قۇراماسىنىڭ ستۋدەنتتەرى 14 مەدال (3 التىن, 4 كۇمىس, 7 قولا) ولجالاپ, جالپىكوماندالىق ەسەپتە 12-ورىنعا يە بولدى.

فريستايل-موگۋل: يۋليا گالىشەۆا اقش-تىڭ ۋوتەرۆيلل قالاسىندا ۇيىمداستىرىلعان الەم كۋبوگى كەزەڭىندە يۋليا گالىشەۆا قولا جۇلدەگەر اتاندى.

ايەلدەر كۇرەسى: رەسەيدىڭ كراسنويارسك قالاسىندا ءوتىپ جاتقان يۆان يارىگين مەموريالىندا ءبىزدىڭ پالۋاندار 1 التىن, 1 كۇمىس, 1 قولا جۇلدە يەلەندى.

جاعاجاي ۆولەيبولى: شري-لانكانىڭ نەگومبو قالاسىندا مارەسىنە جەتكەن جاعاجاي ۆولەيبولىنان ورتالىق ازيا اۋماعى چەمپيوناتىندا لاۋرا قابىلبەكوۆا مەن نادەجدا يۆانچەنكو جۇبى توپ جارسا, ەرلەر اراسىندا كيريلل گۋرين مەن ابدۋلمادجيد مۇحامماد جۇبى قولا جۇلدەگە قول جەتكىزدى.

كاراتە: پاريجدە اياقتالعان WKF كاراتەدەن پرەمەر-ليگا 1 ساناتىنداعى جارىستا قازاقستان سپورتشىلارى 5 مەدال جەڭىپ الدى.

كونكيمەن جۇگىرۋ: كانادانىڭ كالگاري قالاسىندا وتكەن كونكيمەن جۇگىرۋدەن الەم كۋبوگى كەزەڭىندە كوماندالىق سپرينتتە باق سىناعان كريستينا سيلاەۆا, داريا ۆاجەنينا, نادەجدا موروزوۆا ۇشتىگى 1:26.36 سەكۋند ۋاقىت كورسەتكىشىمەن قولا مەدال ولجالادى.

تەننيس: تۇركيانىڭ انتاليا قالاسىندا وتكەن ITF W15 تۋرنيرىندە ساندۋعاش كەنجەباەۆا جۇپتىق سىندا ۇزدىك شىقتى.