ءىس شىمكەنتتەگى مامانداندىرىلعان اۋدانارالىق قىلمىستىق ىستەر سوتىندا اشىق سوت وتىرىسىندا قارالدى. ايەلگە قىلمىستىق كودەكستىڭ 99-بابىنىڭ 3-ءبولىمى «كامەلەتكە تولماعان ادامدى ءولتىرۋ» بويىنشا ايىپ تاعىلدى.
قايعىلى وقيعا 2024 جىلدىڭ ماۋسىم ايىندا بولعان. قالا تۇرعىنى اپكەسىنىڭ قىزى ەكەۋى اقپان باتىر كوشەسىندەگى جالعا الىنعان پاتەردە بولعان.
- جيەنى ە (2018 جىلى تۋعان) ويانىپ, جىلاي باستاعان كەزدە, ايىپتالۋشى اشۋلانعان. ايەل بالانىڭ قولى مەن اياعىن بايلاپ, ۇرىپ-سوققان. سالدارىنان بالا ەسىنەن تانىپ قالعان. كەيىن ايىپتالۋشى ۆاننانى سۋعا تولتىرىپ, جيەنىن سۋعا باتىرىپ ولتىرگەن. وسىلايشا قاساقانا كىسى ءولتىرۋ قىلمىسىن جاساعان, – دەپ ءتۇسىندىردى سوتتىڭ ءباسپاسوز قىزمەتى.
پروكۋرور ايەلگە 20 جىل باس بوستاندىعىنان ايىرۋ جازاسىن سۇرادى. جابىرلەنۋشىنىڭ زاڭدى وكىلى ايىپتالۋشىنى كەشىرىپ, قاتاڭ جازا تاعايىنداماۋدى سۇرادى. ال ايىپتالۋشى ءوز كىناسىن مويىنداعان جوق.
سوت ك.-نى كىنالى دەپ تاۋىپ, ونى 20 جىلعا باس بوستاندىعىنان ايىرۋ جازاسىنا كەستى. جازاسىن ورتا قاۋىپسىزدىك مەكەمەلەرىندە وتەيتىن بولادى. ۇكىم زاڭدى كۇشىنە ەنگەن جوق.
