كتك تەلەارناسىنىڭ حابارلاۋىنشا, ساۋدا سورەلەرىنەن الىنعان ونىمدەر قاتارىندا «شاين مۋسكات» ءجۇزىمى, «دۋباي» شوكولادى, «دوشيراك» جىلدام دايىندالاتىن كەسپەسى, «بەلارۋس» ءسۇتى جانە بىرنەشە شاي ءتۇرى بار.
«بەلارۋس سۇتىنەن ماي قىشقىلىنىڭ قۇرامى بويىنشا سايكەسسىزدىكتەر انىقتالدى. رەسەيلىك ۇننىڭ قۇرامىنداعى مىرىش پەن تەمىردىڭ مولشەرى تومەن بولعان. قازاقستاندىق شايدان بوياعىش زاتتار تابىلدى», دەلىنگەن حابارلامادا.
دەپارتامەنتتىڭ سانيتارلىق-ەپيدەميولوگيالىق باقىلاۋ ءبولىمى وتكەن جىلى 450-دەن استام تاۋار ءتۇرىن زەرتتەپ, ونىمدەردىڭ تەحنولوگيالىق جانە گيگيەنالىق تالاپتارعا سايكەستىگىن تەكسەردى.
«تاڭباسى جوق ونىمدەر, اسىرەسە ازىق-ت ۇلىك ونىمدەرى, قاۋىپتى سانالادى. سەبەبى ءونىم تۋرالى ەشقانداي اقپارات جوق, بۇل تۇتىنۋشىنى شاتاستىرادى. وسىعان بايلانىستى ساۋدا سۋبەكتىلەرىنە ءونىمدى سورەلەردەن الىپ تاستاۋ, جەتكىزۋشىگە قايتارۋ نەمەسە جويۋ جونىندە نۇسقاۋ بەرىلدى», دەپ ءتۇسىندىردى استانا قالاسىنىڭ سانيتارلىق-ەپيدەميولوگيالىق باقىلاۋ دەپارتامەنتىنىڭ ءبولىم باسشىسى قارلىعاش ابدىشەۆا.
