ۇيىمداستىرۋشىلار: قازاقستان حالقى اسسامبلەياسى, قازاقستان رەسپۋبليكاسى عىلىم جانە جوعارى ءبىلىم مينيسترلىگى عىلىم كوميتەتىنىڭ مەملەكەت تاريحى ينستيتۋتى, قازاقستان رەسپۋبليكاسىنىڭ ۇلتتىق مۋزەيى.
كونفەرەنتسيا ەتنوسارالىق كەلىسىم مەن جالپىۇلتتىق بىرلىكتى نىعايتۋداعى قازاقستان حالقى اسسامبلەياسىنىڭ 30 جىلدىق تاجىريبەسىن تالداۋ جانە تالقىلاۋ, زاماناۋي سىن-قاتەرلەر مەن پەرسپەكتيۆالاردى ايقىنداۋ, سونداي-اق جاھاندىق وزگەرىستەر جاعدايىنداعى بىرلىك پەن ىنتىماقتاستىقتى دامىتۋدىڭ ساياسي باعىتى بويىنشا ۇسىنىستاردى ازىرلەۋ ماقساتىندا ۇيىمداستىرىلدى.
ءىس-شاراعا قر پرەزيدەنتى اكىمشىلىگى قازاقستان حالقى اسسامبلەياسى حاتشىلىعىنىڭ مەڭگەرۋشىسىنىڭ ورىنباسارى ا.ششەگورتسوۆا, قر عىلىم جانە جوعارى ءبىلىم ۆيتسە-ءمينيسترى د.احمەد-زاكي, قر پارلامەنتى سەناتىنىڭ دەپۋتاتى ن.نيازوۆا, قر پارلامەنتى ءماجىلىسىنىڭ دەپۋتاتى ب.كەرىمبەك, , قر مادەنيەت جانە اقپارات مينيسترىلىگى ەتنوسارالىق قاتىناستاردى دامۋ كوميتەتىنىڭ توراعاسى ع.شويكين, «قوعامدىق كەلىسىم» رمم ديرەكتورى ە.ماساگۋتوۆا, قر عىلىم جانە جوعارى ءبىلىم مينيسترلىگى عىلىم كوميتەتى مەملەكەت تاريحى ينستيتۋتىنىڭ ديرەكتورى ن.پۇسىرمانوۆ, استانا قالاسىنىڭ تىلدەردى دامىتۋ جانە ارحيۆ ءىسى باسقارماسىنىڭباسشىسى س.ەسىركەپ, ۇلتتىق قۇرىلتايدىڭ, قحا عىلىمي-ساراپشىلىق كەڭەسىنىڭ مۇشەلەرى, قازاقستاندىق جانە شەتەلدىك (ت.درونزينا(بولگاريا), ا.ۆەجبيتسكي (پولشا), ر.ۋسمانوۆ(رەسەي), ك.سابيروۆ (وزبەكستان) عالىم–ساراپشىلار, قحا قوعامدىق قۇرىلىمدارىنىڭ وكىلدەرى قاتىستى.
اناستاسيا ششەگورتسوۆا ءوز العى سوزىندە اسسامبلەيانىڭ 30 جىلدىعى بىرلىك پەن كەلىسىم ساياساتىن دامىتۋداعى ماڭىزدى كەزەڭ ەكەنىن اتاپ ءوتتى. سونداي-اق ول عىلىمي-تاجىريبەلىك ۇسىنىستاردى ودان ءارى ىلگەرىلەتۋ جانە ەتنوسارالىق قاتىناستاردى نىعايتۋ سالاسىنداعى وزىق تاسىلدەردى ەنگىزۋ بويىنشا كۇش-جىگەردى كۇشەيتۋ مەملەكەتتىك دەڭگەيدە شەشىمدەر قابىلداۋ ءۇشىن پراكتيكالىق ۇسىنىستار ازىرلەۋگە مۇمكىندىك بەرەتىنىن باسا ايتتى.
كونفەرەنتسياعا قاتىسۋشىلار ەتنوسارالىق قاتىناستار سالاسىنداعى مەملەكەتتىك ساياساتتى ىلگەرىلەتۋ جانە اعارتۋشىلىق قىزمەتتى جانداندىرۋ بويىنشا اقپاراتتىق-تۇسىندىرمە جۇمىستى كۇشەيتۋ قاجەتتىگىن اتاپ ءوتتى. كونفەرەنتسيا قورىتىندىسى بويىنشا قابىلدانىپ, وندا قاتىسۋشىلار الداعى جۇمىستىڭ بىرقاتار نەگىزگى باعىتتارىن بەلگىلەدى. سونداي-اق مەملەكەتتىك ەتنوساياساتتى عىلىمي جانە قوعامدىق قولداۋدى قامتاماسىز ەتۋ ءۇشىن مەملەكەتتىك ورگاندارمەن جانە عىلىمي-ساراپشىلىق قوعامداستىقپەن قوعامنىڭ ءوزارا ءىس-قيمىلىن كەڭەيتۋ كۋرسى بەلگىلەندى.
قازاقستان حالقى اسسامبلەياسىنىڭ 30 جىلدىق مەرەيلى جىلىندا ەتنوسارالىق قاتىناس قۇرالى رەتىندەگى مەملەكەتتىك ءتىلدىڭ ءرولىن ارتتىرۋ, ەتنومەدياتسيا تاجىريبەسىن كەڭىنەن ەنگىزۋ جانە باسقا ەلدەرمەن تاجىريبە الماسۋ ءۇشىن ەتنوساياسات سالاسى بويىنشا حالىقارالىق ىنتىماقتاستىقتى جالعاستىرۋ سياقتى ماڭىزدى تەزيستەر ايتىلدى.
كونفەرەنتسيا بارىسىندا اسسامبلەيانىڭ 30 جىلدىق تاريحىنا ارنالعان كوشپەلى ارحيۆتىك قۇجاتتاردىڭ, كىتاپتاردىڭ, ەتنوستىق گازەتتەر مەن جۋرنالداردىڭ كورمەسى ۇيىمداستىرىلدى.
كونفەرەنتسيا قازاقستاننىڭ ەتنوسارالىق كەلىسىم مەن جالپىۇلتتىق بىرلىك سالاسىنداعى بىرەگەي تاجىريبەسىن تالقىلاۋعا ءوز ۇلەسىن قوستى.
