فوتو: ult.kz
سوندىقتان ايازدى كۇنى تەرىنى زاقىمداپ الماس ءۇشىن تجد ماماندارى ۇسىنعان مىنا قاراپايىم ەرەجەلەردى ساقتاۋ كەرەك:
- دەنەدە بوس تۇراتىن جىلى كيىم كيۋ;
- اياق كيىمنىڭ دە قالىڭ ءارى جىلى بولعانىنا جەتە دەن قويۋ كەرەك;
- ايازعا قولعاپ, مويىنوراعىش, باس كيىمسىز شىقپاۋ شارت;
- دەنەنىڭ اشىق بولىكتەرىن مەتالل بۇيىمدارعا جاناسۋدان ساقتاۋ;
- ەگەر دەنەنىڭ ءبىر بولىگىن ۇسىك شالسا, ونىڭ قايتا توڭباۋىنا ءمان بەرۋ قاجەت. ولاي بولماسا تەرى ودان سايىن زاقىمدانىپ كۇردەلىڭ ەم-شارا جاساۋعا تۋرا كەلەدى.
- اياق-قول توڭعاندا لەزدە جاقىن ماڭداعى جىلى ورىنعا (دۇكەن, كافە) تەزىرەك كىرۋ كەرەك.
- ايازدى كۇنى جەل, بوران سوقسا تەرىنى قورعاۋعا ەكى ەسە ءمان بەرىڭىز. مۇنداي اۋا رايى كەزىندە دەنەنى ۇسىك شالۋ قاۋپى الدەقايدا ارتا تۇسەدى.
ازاماتتار ۇسىك شالعاندا العاشقى كومەك كورسەتۋ شارالارىن دا بىلگەنى ابزال.
ەڭ الدىمەن, ۇسىك شالۋ بەلگىلەرى بار ناۋقاستى جىلى جەرگە جەتكىزىپ, اياق كيىم, ش ۇلىق جانە قولعابىن شەشۋ كەرەك. دەرەۋ جەدەل جاردەم شاقىرىپ, دەنەنى ءى دارەجەلى ۇسىك شالسا ۇسىگەن تەرى قاباتىن قىزارعانشا جىلى الاقانمەن جىلىتىپ, ۋقالاۋ قاجەت. جىلىتۋ كەزىندە ءجۇن ماتانى پايدالانۋ ءتيىمدى بولماق. دەمنىڭ جىلۋىمەن دە جىلىتىپ, سوڭىنان ماقتا-داكەمەن تاڭادى. زارداپ شەككەن ادامعا ىستىق اس, ىستىق شاي بەرۋگە بولادى.
ال ناۋقاستى جىلىتۋ ماقساتىندا ىشىمدىكتەر بەرۋگە, ۇسكەن تەرى اۋماقتارىن ينتەنسيۆتى تۇردە قارمەن, مايمەن, ءسپيرتتى ەرىتىندىلەرىمەن ۋقالاۋعا مۇلدەم بولمايدى. ناۋقاستى جىلىتۋ ماقساتىندا لاۋلاپ تۇرعان اشىق وتتى پايدالانۋعا تىيىم سالىنادى. ءىى-ءىV دارەجەلى ۇسىك شالعاندا تەز جىلىتۋ, ماسساج نەمەسە ۋقالاۋ جاساۋدىڭ قاجەتى جوق. زاقىمدالعان جەرگە جىلۋ شىعارمايتىن داكە تاڭۋ قاجەت (قاباتتالعان ماتا, قالىڭ ماقتا قاباتى, تاعى دا ماتا, ۇستىنەن كلەەنكا نەمەسە رەزەڭكە ماتا). بۇل ارەكەتتەردى جەدەل جاردەم كولىگى جەتكەنشە جاساۋعا بولادى. باستىسى مەديتسينالىق كومەكتى ەرتەرەك شاقىرۋعا نازار اۋدارۋ قاجەت.
