فوتو: gov.kz
ەندى قيناۋ فاكتىسى ءۇشىن (قك 110-بابى) باس بوستاندىعىنان ايىرۋ جازاسى تاعايىندالادى. ال دەنساۋلىققا قاساقانا جەڭىل زيان كەلتىرۋ (قك 108-1 بابى) جانە ۇرىپ-سوعۋ (قك 109-1 بابى) ارەكەتتەرىن جاساعاندار قىلمىستىق جاۋاپكەرشىلىككە تارتىلادى.
باس پروكۋراتۋرا وتكەن جىلى وسى ساناتتاعى ىستەر بويىنشا 85 ادام سوتتالعانىن مالىمدەدى.
«مىسالى, 7 جىل بويى ايەلىنە ءتان جاراقاتىن سالىپ جانە پسيحولوگيالىق زارداپ كورسەتىپ, قيناعانى ءۇشىن ەر ادام 1 جىلعا باس بوستاندىعىنان ايىرىلدى. تاعى بىر قۇقىقبۇزۋشى تىيىم سالۋدى ەلەمەي, تانىس قىزىن 5 جىلدان استام ۋاقىت بويى قۋدالاعان. پروكۋرور ونىڭ جۇيەلى تۇردە جابىرلەنۋشىنىڭ ۇيىنە كەلىپ, جانجال شىعارىپ, وتباسىن قورقىتىپ, ۇرىپ-سوققانى جونىندە دالەلدەر كەلتىردى. وسى ارەكەتتەرى ءۇشىن ول 1 جىل 6 ايعا باس بوستاندىعىنان ايىرىلدى», دەلىنگەن پروكۋراتۋرا حابارلاماسىندا.
