فوتو: polisia.kz
الكوگولدى كوپ مولشەردە تۇتىنعان ازامات 102 ارناسىنا قوڭىراۋ شالىپ, قالاداعى كلۋبتاردىڭ بىرىندە بومبا جاسىرىلعانىن حابارلاعان. ايتا كەتەرلىگى كۇدىكتى اتالعان مەكەمەنىڭ تۇراقتى كەلۋشىسى بولىپ شىقتى.
وقيعا ورنىنا دەرەۋ پوليتسيانىڭ سىرتقى جاساعى مەن جەدەل تەرگەۋ توبى جىبەرىلگەن. الايدا كلۋبتى تولىق تەكسەرۋ بارىسىندا ەشقانداي جارىلعىش زات انىقتالمادى.
پوليتسەيلەر ءىزىن سۋىتپاي كۇدىكتىنى قولعا ءتۇسىردى. 28 جاستاعى جەرگىلىكتى تۇرعىن ءوزىنىڭ ارەكەتىن الكوگولدىك ماساڭ كۇيدە جاساعانىن جانە بولعان جايت ەسىندە جوق ەكەنىن ايتىپ تۇسىنىكتەمە بەرگەن.
تەرروريزم اكتىسى تۋرالى جالعان حابارلاۋ فاكتىسىنە سايكەس قىلمىستىق ءىس قوزعالدى. قازىرگى ۋاقىتتا كۇدىكتىگە ەشقايدا كەتپەۋ تۋرالى قولحات تۇرىندەگى بۇلتارتپاۋ شاراسى قولدانىلىپ, تەرگەۋ امالدارى جۇرگىزىلىپ جاتىر.
پوليتسيا دەپارتامەنتى تەرروريزم قاۋپى تۋرالى قاساقانا جالعان حابار تاراتۋدىڭ قىلمىستىق جاۋاپكەرشىلىككە اكەپ سوعاتىنىن ەسكەرتەدى.
