ءبىرىنشى وقىلىمدا ءماجىلىس تاۋارلاردىڭ شىعارىلعان ەلىن ايقىنداۋ ماسەلەلەرى بويىنشا زاڭ جوباسىن تالقىلايدى. بۇل زاڭ جوباسى پرەزيدەنتتىڭ 2023 جىلعى 1 قىركۇيەكتەگى جولداۋىندا ايتىلعان تاپسىرمالارىن ىسكە اسىرۋ ماقساتىمەن دايىندالعان. زاڭ جوباسى وتاندىق ءوندىرىستى دامىتۋ, يمپورتتىق جەتكىزىلىمدەرگە تاۋەلدىلىكتى ازايتۋ جانە جاڭا وندىرىستەردى لوكاليزاتسيالاۋ ءۇشىن ۇسىنىلىپ وتىر. وسى ماقساتتا «ست-كZ» نىسانىنداعى قولدانىستاعى سەرتيفيكاتتار مەن يندۋستريالدى سەرتيفيكاتتى اۋىستىراتىن قازاقستاننان شىققان تاۋارلاردىڭ رەەسترىن قۇرۋ ۇسىنىلادى.
ەكىنشى وقىلىمدا دەپۋتاتتار رەزەرۆتەگى قىزمەت ماسەلەلەرى بويىنشا زاڭ جوباسىن تالقىلايدى. زاڭ جوباسىمەن جاڭا اسكەري قىزمەت ءتۇرى – رەزەرۆتەگى قىزمەت ەنگىزىلەدى. بۇل كەلىسىمشارت نەگىزىندە تۇرعىلىقتى جەرى بويىنشا ەرىكتى تۇردە جۇزەگە اسىرىلادى جانە اسكەري دايىندىقتى ارتتىرۋ ءۇشىن رەزەرۆتىك كۇشتەردى قۇرۋدى ماقسات ەتەدى.
سونىمەن قاتار دەپۋتاتتار تۇركيا رەسپۋبليكاسىمەن وسىمدىكتەر كارانتينى جانە ولاردى قورعاۋ سالاسىنداعى ىنتىماقتاستىق تۋرالى كەلىسىمدى راتيفيكاتسيالاۋ جونىندەگى زاڭ جوباسىن قارايدى. ءماجىلىس كاسىبي پاراساتتىلىققا تەستىلەۋ تۋرالى, ەكولوگيالىق ماسەلەلەر بويىنشا جانە بىرقاتار حالىقارالىق كەلىسىم بويىنشا ۇسىنىلعان زاڭ جوبالارىن جۇمىسقا الۋدى جوسپارلاپ وتىر.
