جۇزدەن – جۇيرىك, مىڭنان – تۇلپار

بيىل جامبىل وبلىسىنىڭ وقۋشىلارى ءۇشىن وتە تابىس­تى جىل بولدى. ولار بيىلعى وقۋ جىلىندا حالىقارالىق, رەسپۋبليكالىق وليمپيادالار مەن عىلىمي جارىستاردا 133 مەدالدى يەلەندى. ونىڭ ىشىندە 51 مەدالدى حالىقارالىق ءبىلىم جارىستارىندا الىپتى. رەسپۋبليكالىق ءپان وليمپياداسى مەن عىلىمي جوبا جارىسىندا وبلىس كومانداسىنىڭ جۇلدەلى ءى ورىندى يەلەنۋى – جامبىلدىق دارىندى وقۋشىلارعا بەرىلگەن لايىقتى باعا ەكەنى انىق. وسى اپتادا جامبىل وبلى­سىنىڭ اكىمى كارىم كوكىرەكباەۆ حالىقارالىق, رەسپۋبليكالىق وليمپيادالار مەن عىلىمي جارىستاردىڭ جەڭىمپازدارىمەن كەزدەسىپ, كەڭ وتىرىپ اڭگىمەلەستى. بيىلعى جىلعى حالىقارالىق وليمپيادالاردا جەڭىس تۇعىرىنان كورىنگەن دارىندى بالالار ىشىنەن اسىرەسە, قازاق-تۇرىك مەكتەپ-ينتەرناتىنىڭ وقۋشىسى, ماسكەۋ قالاسىندا وتكەن حالىقارالىق مەندەلەەۆ وليمپياداسىنىڭ قولا مەدالىنىڭ يەگەرى اتانعان امزەبەك ازاماتتى, ماتەماتيكا پانىنەن افينى قالاسىندا وتكەن بالقان وليمپياداسىندا قولا مەدال, حالىقارالىق جاۋتىكوۆ وليمپياداسىندا كۇمىس مەدالعا يە بولعان ابەسبەك دانياردى, سونداي-اق, وسى وليمپيادادا فيزيكا پانىنەن كۇمىس مەدالدى يەلەنگەن سەگىزباي اياندى, ماتەماتيكا پانىنەن حالىقارالىق ازيا-تىنىق مۇحيتى وليمپياداسىنىڭ كۇمىس مەدالىنە قول جەتكىزگەن دىنمۇحاممەد تۇزەلوۆتى ەرەكشە ماقتانىشپەن ايتۋعا بولادى. ال حالىقارالىق «عىلىم الەمىن اشامىز» اتتى عىلىمي جارىستا ەكىنشى ورىندى يەلەنگەن تاراز قالاسىنداعى №1 گيمنازيانىڭ تۇلەگى, «التىن بەلگى» يەگەرى سەيسەنعالي ءماريام كەشە عانا وتكەن ۇبت-دا 119 باللدى يەلەنىپ, ءوز ءبىلىمىن تاعى دا دالەلدەدى. ۇلتتىق بىرىڭعاي تەستىلەۋدە ەڭ جوعارعى 125 بالل العان قازاق­ستان بويىنشا بەس تۇلەكتىڭ بىرەۋى – تاراز قالاسىنداعى №45 گيمنازيانىڭ وقۋشىسى گۇلناز ەردوسوۆا وبلىس ابىرويىن ءوسىرىپ, جامبىلدىقتاردى زور قۋانىشقا بولەدى. بيىلعى جىلعى تەستىلەۋدە مەكتەپ تۇلەك­تەرى وتكەن جىلعا قاراعاندا, وزدەرىنىڭ جاقسى دايىندىقتارىن كورسەتتى. وبلىستىڭ ورتاشا باللى 78,6-نى قۇراپ, 2014 جىلمەن سالىستىرعاندا 6,2 باللعا ءوستى. «ۇستازدىق ەتكەن جالىقپاس, ۇيرەتۋدەن بالاعا», دەپ ۇلى اباي اتامىز ايتقانداي, ۇستازدىق  قيىن دا جاۋاپتى, قىر-سىرى مول, شىعارماشىلىق ەڭبەك. بۇل – ءبىر جاعىنان ۇلكەن ابىروي, ەكىنشى جاعىنان جوعارى جاۋاپكەرشىلىكتى تالاپ ەتەدى. سوندىقتان دا ءبىز­دىڭ ەلدە ۇستاز قاسيەتتى تۇلعا رەتىندە ەرەكشەلەنەدى. قازىرگى تاڭدا وبلىس تۇلەكتەرى الەمنىڭ تۇكپىر-تۇكپىرىندەگى ەڭ ۇزدىك جوعارى وقۋ ورىندارىندا ءبىلىم الۋدا. بۇل, ارينە, ەڭ الدىمەن ۇستازداردىڭ تىنىمسىز ەڭبەگىنىڭ جەمىسى. سودان بولار جامبىل وبلىسىنىڭ اكىمى ك. كوكىرەكباەۆ بۇل جيىندا وقۋشىلارمەن قاتار بىرقاتار ۇستازداردى ماراپاتتاپ, قۇرمەت كورسەتتى. – دارىندى جاستار – ۇلت بو­لا­شاعى. ەلباسى ن.نازارباەۆ «مەن جاڭا بۋىن قازاق­ستان­دىق­تارعا سەنىم ارتامىن. سىزدەر جاڭا باعىتتىڭ قوزعاۋشى كۇ­شىنە اينالۋعا تيىسسىزدەر», دەپ  جاستارعا ۇلكەن سەنىم ارتتى. وسى جاس ورەندەر ءبىلىمدى, تاربيەلى بولسا – ەلىمىزدىڭ ەرتەڭى مىقتى بولادى, – دەيدى ك.كوكىرەكباەۆ. مىنە, وسىلايشا جامبىلدىق ورەندەر ءبىلىم سايىستارىندا جۇزدەن – جۇيرىك, مىڭنان – تۇل­پار شىعىپ, وزدەرىنىڭ باسەكەگە قابىلەتتىلىكتەرىن تانىتتى. ورالحان ءداۋىت, «ەگەمەن قازاقستان». جامبىل وبلىسى. سۋرەتتى تۇسىرگەن اقادىل رىسماحان.