كوڭىلگە دەم بەرەتىنى, جايلى مەكتەپ جەرگىلىكتى ۇلت تىلىندە جۇمىس ىستەيدى. مەكتەپ ديرەكتورىنىڭ مىندەتىن اتقارۋشى ايگەرىم قوشانوۆانىڭ ايتۋىنشا, مۇندا وقۋشىلارعا بار جاعداي جاسالعان. وقۋشىلاردىڭ جاس ەرەكشەلىگىنە بايلانىستى 4 سپورت زال, زامان سۇرانىسىنا وراي بارلىق قاجەتتى قۇرال-جابدىقتارمەن جاساقتالعان ءپان كابينەتتەرى, سالتانات زالى, ءىشى كەڭ اسحاناسى, كىتاپحاناسى, حورەوگرافيا زالى, مەديتسينالىق بلوگى بار. ءار سىنىپتا 25 وقۋشىدان وقيتىن 60 سىنىپ جاساقتالماقشى. مەكتەپتە جالپى سانى 350-دەن استام كابينەت بار.
«جايلى مەكتەپتى سالعان مەردىگەر كومپانيا – «Integra Construction KZ» جاۋاپكەرشىلىگى شەكتەۋلى سەرىكتەستىگى. مەكتەپتىڭ ەرەكشەلىگى, مۇندا بالالاردىڭ قىزىعۋشىلىعىن تۋعىزاتىن STEM لابوراتوريا, روبوتوتەحنيكا كابينەتتەرى مەن حيميا, فيزيكا زەرتحانالارى بار. مەكتەپ ءبىر اۋىسىممەن عانا جۇمىس ىستەيدى, تۇسكە دەيىن وقۋشىلار ساباق وقىسا, تۇستەن كەيىن قوسىمشا ۇيىرمەلەرمەن قامتىلادى. «جايلى مەكتەپ» باعدارلاماسى اياسىندا ىسكە اسىرىلعان بۇل جوبانىڭ قۇنى 6 ميلليارد تەڭگەدەن اسادى», دەدى ءوز سوزىندە مەردىگەر كومپانيانىڭ باس ديرەكتورىنىڭ ستراتەگيالىق جوبالار جونىندەگى ورىنباسارى الىبەك قايروللا.
مەملەكەت باسشىسىنىڭ باستاماسىمەن قولعا الىنعان ۇلتتىق جوبا شەڭبەرىندە وبلىستا بىرنەشە «جايلى مەكتەپ» قۇرىلىسىنىڭ باستالۋى بولاشاققا جاسالعان قامقورلىق.
كوكشەتاۋ
