فوتو: ۆيدەودان الىنعان كادر
ءبىلىم باسقارماسىنىڭ مالىمەتىنشە, بالاباقشا مەڭگەرۋشىسى جانە تاعى ەكى قىزمەتكەر جۇمىستان بوساتىلعان.
«13 قاڭتاردا قاندىاعاش قالاسىنىڭ «سامال» بالاباقشاسىندا جاعىمسىز وقيعا بولدى. تاڭعى اسقا ادەتتەگىدەي, ارپا بوتقاسى دايىندالدى. جۇمىسشىلار سىناما الىپ, بىراق ەشتەڭە تاپپادى. تاباقتارعا سالىنعاننان كەيىن بوتقادان جاندىكتەر تابىلدى. بالالارعا بوتقا بەرىلمەدى. بولعان وقيعادان كەيىن كەيىن بالاباقشا مەڭگەرۋشىسى, مەدبيكە جانە اسپاز جۇمىستان بوساتىلدى», دەدى اقتوبە وبلىسى ءبىلىم باسقارماسى باسشىسىنىڭ م.ا. نۇرگۇل بەرتىلەۋوۆا.
ەستەرىڭىزگە سالا كەتەيىك, الەۋمەتتىك جەلىدە قۇرت-قۇمىرسقاعا تولى بوتقانىڭ ۆيدەوسى تارادى. اقتوبە وبلىسى مۇعالجار اۋداندىق ءبىلىم ءبولىمى قازىر بالاباقشادا تەكسەرۋ ءجۇرىپ جاتقانىن حابارلادى.
