فوتو: الماتى وبلىسى پد
ىشكى ىستەر ءمينيسترىنىڭ بۇيرىعىمەن بۇل لاۋازىمعا پوليتسيا پولكوۆنيگى اسحات بارلىباي ۇلى بەكەنوۆ تاعايىندالدى.
پولكوۆنيك اسحات بەكەنوۆ 1980 جىلى پاۆلودار وبلىسىنىڭ ەرتىس اۋدانىندا دۇنيەگە كەلگەن. 2001 جىلى قاراعاندى زاڭ ينستيتۋتىن تامامداعان. ىشكى ىستەر ورگاندارىندا 1997 جىلدىڭ تامىزىنان باستاپ قىزمەت ەتىپ كەلەدى. مانسابىن پاۆلودار وبلىسى قاشىر اۋداندىق ىشكى ىستەر بولىمىندە جەدەل ۋاكىل قىزمەتىنەن باستاعان.
وسى لاۋازىمعا تاعايىندالعانعا دەيىن الماتى قالاسى پد كريمينالدىق پوليتسيا باسقارماسى باستىعىنىڭ ورىنباسارى قىزمەتىن اتقارعان.
ايتا كەتەيىك, 4 قازان كۇنى تالعاردا 16 جاسار شەرزات بولاتتىڭ ولىمىنەن كەيىن الماتى وبلىسىنىڭ بىرنەشە جوعارى لاۋازىم يەسى قىزمەتىنەن بوساتىلعان ەدى.
وسى وقيعاعا بايلانىستى قىزمەتىنەن بوساتىلعاندار قاتارىندا:
- الماتى وبلىسى پوليتسيا دەپارتامەنتى باستىعىنىڭ ءبىرىنشى ورىنباسارى سەرىك شالحاروۆ;
- تالعار اۋداندىق پوليتسيا باسقارماسىنىڭ باستىعى نۇرجان كۇنتۇنوۆ;
- الماتى وبلىسى پوليتسيا دەپارتامەنتى ەكسترەميزمگە قارسى ءىس قيمىل باسقارماسىنىڭ باستىعى ۇلان بايتاقوۆ;
- الماتى وبلىسى پوليتسيا دەپارتامەنتى كريمينالدىق پوليتسيا باسقارماسىنىڭ باستىعى رۋسلان سماعۇلوۆ;
- الماتى وبلىسى پوليتسيا دەپارتامەنتى ۇيىمداسقان قىلمىسقا قارسى كۇرەس باسقارماسىنىڭ باستىعى دۋلات قايىر;
- الماتى وبلىسى پوليتسيا دەپارتامەنتى ۇيىمداسقان قىلمىسقا قارسى كۇرەس باسقارماسى باستىعىنىڭ ورىنباسارى جانات وماروۆ بار.
