فوتو: primeminister.kz
ۇكىمەت وسى الەۋمەتتىك نىساننىڭ قۇرىلىسىنا 1,1 ملرد تەڭگە ءبولىپ وتىر.
سپورت كەشەنى جالپى دەنە شىنىقتىرۋ دايىندىعى بويىنشا وقۋ-جاتتىعۋ ساباقتارىنا جانە جارىستار وتكىزۋگە قولايلى ەتىپ سالىنباق. وندا بوكس, كۇرەس جانە باسقا دا سپورت تۇرىمەن اينالىسۋعا ارنالعان بىرنەشە زال قاراستىرىلعان.
ۇكىمەتتىڭ دەرەگىنشە, بىلتىر ەلىمىزدە سالىنعان 90 دەنە شىنىقتىرۋ-ساۋىقتىرۋ كەشەنىنىڭ باسىم بولىگى اۋىلدىق جەرلەردە ورنالاسقان.
بيىل وسى باعىتتا 113 جاڭا نىسان سالۋ جانە جۇمىس ىستەپ تۇرعان 26 سپورت مەكەمەسىن رەكونسترۋكتسيالاۋ جوسپارلانعان.
«بۇگىنگى تاڭدا ۇكىمەت ارناۋلى مەملەكەتتىك قوردان الەۋمەتتىك ماڭىزى بار نىسانداردى سالۋعا شامامەن 50,6 ملرد تەڭگە ءبولدى. ولاردىڭ قاتارىندا 4 مەكتەپ, ونىڭ ىشىندە بىرەۋى مۋزىكالىق مەكتەپ, سپورت كەشەنى, كوپسالالى اۋرۋحانا كەشەنى, جاتاقحانا, 2 بالاباقشا بار», دەلىنگەن ۇكىمەت حابارلاماسىندا.
