فوتو: ءماجىلىستىڭ ءباسپاسوز قىزمەتى
ايتا كەتەيىك, مەكتەپ 1500 وقۋشىعا ەسەپتەلگەن, زاماناۋي قۇرال-جابدىقتارمەن جابدىقتالعان. نىساننىڭ جالپى قۇنى 7,8 ملرد تەڭگەنى قۇراعان. نىساننىڭ جوبالاۋشىسى «AQMOL project» جاۋاپكەرشىلىگى شەكتەۋلى سەرىكتەستىگى بولسا, قۇرىلىستىڭ باس مەردىگەرى - «KazConstuction Group» جاۋاپكەرشىلىگى شەكتەۋلى سەرىكتەستىگى.
دەپۋتاتتى ءبىلىم ورداسىنىڭ جۇمىسىمەن №51 ورتا مەكتەپتىڭ ديرەكتورى, «بىلىمدەگى 1000 وزگەرىس كوشباسشىسى» باعدارلاماسىنى مۇشەسى جاقسىعالي جۇماباي تانىستىرعان. ونىڭ ايتۋىنشا, ولارعا وقۋشىلار ءۇش اۋىسىمدى №49 ورتا مەكتەپتەن اۋىستىرىلعان. بۇگىندە 1200-دەن استام بالا جاڭا, جايلى مەكتەپتە ءبىلىم الىپ جاتىر.
«مەكتەپتىڭ وتە جاقسى جابدىقتالعانىنا, زاماناۋي اسپاپتارمەن قامتىلعانىنا جانە بالالارعا جايلى كابينەتتەردىڭ دايىندالعانىنا قۋانىشتىمىن. مۇنداي فورماتتاعى مەكتەپتەر بارلىق قالادا, اۋىلدىق وكرۋگتە بولۋى كەرەك دەپ ەسەپتەيمىز. مەملەكەت باسشىسى جۋىردا «انا ءتىلى» گازەتىنە بەرگەن سۇحباتىندا ايتقانداي, الداعى ۋاقىتتا رەسپۋبليكا بويىنشا 460 مىڭ وقۋشىعا ارنالعان 217 جايلى مەكتەپ سالۋ جوسپارلانعان. دەپۋتاتتار بۇل قۇرىلىستىڭ ساپالى ءارى ۋاقىتىلى جۇرگىزىلۋىن باستى نازاردا ۇستايدى», دەدى سنەجاننا يماشەۆا.
ايتا كەتەيىك, وقۋشىلاردىڭ ورىن تاپشىلىعى ماسەلەسىن شەشۋ – «اmanat» پارتياسىنىڭ سايلاۋالدى باعدارلاماسىنىڭ ءبىر تارماعى.
