فوتو: Almaty akimdigi
قالا اكىمى ەربولات دوساەۆتىڭ تاپسىرماسى شەڭبەرىندە سالىنعان اتالعان پۋنكت الماتىدا تاۋلىگىنە 1200 تەكشە مەتر قاردى قايتا وڭدەۋگە قاۋقارلى ەكەن.
الماتى اكىمدىگىنىڭ ءباسپاسوز قىزمەتىنىڭ مالىمەتىنشە قازاقستاندا العاش رەت مۇندا قاردى ەرىتۋ ءۇشىن اعىندى سۋلاردىڭ جىلۋىن پايدالاناتىن يننوۆاتسيالىق تەحنولوگيا قولدانىلىپ وتىر.
ەرىگەن سۋ قۇم مەن قوقىستان سۇزگىلەۋ ارقىلى تازارتىلادى, سودان كەيىن قالانىڭ كارىز جۇيەسىنە جىبەرىلەدى. قار ەرىتۋ پۋنكتىنە اۋەزوۆ, المالى, بوستاندىق اۋداندارىنان قار اكەلىنەدى. اتالعان اۋدانداردا قار ءۇيىندىسى ماسەلەسى وزەكتى, قوزعالىس قيىنداعان ورتالىق كوشەلەردەن اق ۇلپانى سىرتقا شىعارۋ قيىن.
مامانداردىڭ پىكىرىنشە, مۇنداي شەشىم قاردى ءتيىمدى تۇردە كادەگە جاراتىپ قانا قويماي, قالا ينفراقۇرىلىمىنا تۇسەتىن جۇكتەمەنى ەداۋىر ازايتۋعا مۇمكىندىك بەرەدى.
