فوتو: BBC
«بۇگىن ءبىز ەكى ادامنىڭ ولگەنى تۋرالى حابارلاعان ەدىك. وكىنىشكە قاراي, ولاردىڭ سانى بەس ادامعا جەتتى», دەدى لوس-اندجەلەس وكرۋگىنىڭ شەريفى روبەرت لۋنا.
ونىڭ ايتۋىنشا, جالىن ءالى اۋىزدىقتالعان جوق, زارداپ شەككەندەر سانى ارتۋى مۇمكىن. جاعدايدى قاتتى جەل مەن قۇرعاق اۋا رايى قيىنداتىپ وتىر. بيلىك لوس-اندجەلەس ايماعىندا بەس جەردە ورمان ءورتى جالعاسىپ جاتقانىن, ال ەۆاكۋاتسيا ايماقتارىندا 150 مىڭ ادام تۇراتىنىن حابارلادى.
سانتا-مونيكا مەن ماليبۋ اراسىنداعى پاسيفيك-پاليسەيدس ايماعىندا ەڭ ۇلكەن ءورت اۋماعى 60 شارشى شاقىرىمنان اسادى.
ال لوس-اندجەلەس وكرۋگى ءورت ءسوندىرۋ ءبولىمىنىڭ باستىعى ەنتوني ماررونەنىڭ ايتۋىنشا, ءورت كەم دەگەندە 1000 قۇرىلىمدى قيراتتى.
سارسەنبى كۇنى TMZ اكتريسا جانە ءانشى پەريس حيلتونعا تيەسىلى ماليبۋ جاعاجايىنداعى ۇيلەردىڭ ءبىرى تولىعىمەن ورتەنىپ كەتكەنىن حابارلاعان بولاتىن. كەيىنىرەك مۇنى حيلتوننىڭ ءوزى راستادى.
بەيسەنبىگە قاراعان كۇنى تۇندە وتكەن ءباسپاسوز ءماسليحاتىندا بيلىك لوس-اندجەلەستىڭ ەڭ تانىمال اۋداندارىنىڭ ءبىرى, گولليۆۋدتىڭ ايگىلى بەلگىسى ورنالاسقان گولليۆۋد توبەشىگى ايماعىندا تاعى ءبىر ءورت شىققانىن حابارلادى.
