بىلتىر الاپات سۋ تاسقىنى سالدارىنان وبلىستا 4 مىڭنان استام تۇرعىن ءۇي, 45 كاسىپكەرلىك نىسان, 42 اۆتوجول ۋچاسكەسى زاقىمدانعانى ءمالىم.
قازىر وڭىردە 8 بوگەت قالپىنا كەلتىرىلىپ جاتىر.
سونىڭ ءبىرى ۋششەۆ كوشەسىندەگى بوگەتتە ءماجىلىس دەپۋتاتتارى بولىپ قايتتى. 1960 جىلى پايدالانۋعا بەرىلگەن ۋششەۆ كوشەسىندەگى نىسان شاھاردى سۋ تاسقىنىنان قورعاۋدا ەلەۋلى ءرول اتقارادى.
بوگەتتىڭ بيىكتىگى 4,5 مەتردەن 7 مەترگە دەيىن, ەنى 3 مەتردەن 6 مەترگە دەيىن, ال ۇزىندىعى 300 مەترگە دەيىن ۇلعايتىلعان. بۇگىندە نىسانعا 205 مىڭ توننا ينەرتتى ماتەريال جەتكىزىلگەن. بوگەتتى بەتون پليتالارىمەن نىعايتۋ جۇرگىزىلىپ جاتىر.
«بۇل شارالاردىڭ بارلىعى وتكەن جىلعى جاعدايدىڭ الدىن-الۋ ءۇشىن قولعا الىنىپ جاتىر. بىلتىر تاسقىننان كوپتەگەن ادام زارداپ شەگىپ, وراسان ماتەريالدىق شىعىندار ورىن الدى. بيىل بۇعان جول بەرىلمەيدى دەپ سەنەمىز. وسى ورايدا بوگەتتى قايتا قالپىنا كەلتىرۋ جۇمىستارى قىزۋ جۇرگىزىلىپ جاتقانىنا كۋا بولىپ وتىرمىز. ەڭ باستىسى قۇرىلىس جۇمىسىنىڭ ساپالى ءارى ۋاقىتىندا اياقتالۋى», دەدى دەپۋتات ەركەبۇلان مامبەتوۆ.
جوبانىڭ جالپى قۇنى 851 ميلليون تەڭگەنى قۇرايدى. زاماناۋي تەحنولوگيا مەن ساپالى ماتەريالدار قولدانىلىپ جاتىر. ول بوگەتتىڭ ۇزاق مەرزىك قىزمەت ەتۋىنە سەپتىگىن تيگىزەدى. جۇمىستىڭ ساپالى ورىندالۋى «AMANAT» پارتياسىنىڭ ەرەكشە باقىلاۋىندا بولادى.
