بۇل تۋرالى ۇلتتىق قاۋىپسىزدىك كوميتەتى حابارلادى. سولاردىڭ ءبىرى – تاراز تۇرعىنى, اينالاسىنداعىلاردى شەتەلدەگى لاڭكەستەر قاتارىندا سوعىس ارەكەتتەرىنە قاتىسۋعا شاقىرىپ, سونىمەن قاتار ءوزى دە ولارعا قوسىلۋدى جوسپارلاعان.
تاراز قالالىق سوتىنىڭ شەشىمىمەن ول تەرروريزمدى ناسيحاتتاعانى (قك-ءنىڭ 256-بابى), ءدىني ارازدىقتى قوزدىرعانى ءۇشىن (قك-ءنىڭ 174-بابى) كىنالى دەپ تانىلىپ, 7 جىلعا باس بوستاندىعىنان ايىرىلدى.
تاعى ءبىر – الماتى تۇرعىنى, جالپى قىلمىستار ءۇشىن بىرنەشە رەت سوتتىلى بولعان, عالامتور جەلىسىندە راديكالدى يدەولوگيانى ناسيحاتتاعان.
الماتى قالالىق سوتىنىڭ شەشىمىمەن ول تەرروريزمدى ناسيحاتتاعانى (قك-ءنىڭ 256-بابى), ەسىرتكىنى زاڭسىز پايدالانعانى ءۇشىن (قك-ءنىڭ 296-بابى) كىنالى دەپ تانىلىپ, 7 جىل 1 ايعا باس بوستاندىعىنان ايىرىلدى.
ۇلتتىق قاۋىپسىزدىك كوميتەتىنىڭ مالىمەتىنشە, جالپى, جىل باسىنان تەرروريستىك جانە ەكسترەميستىك ارەكەتتەرى ءۇشىن 84 ادام سوتتالعان.
