فوتو: ۇكىمەتتىڭ ءباسپاسوز قىزمەتى
ايتا كەتەيىك, 1969 جىلى سالىنعان ورتا مەكتەپتىڭ ەسكى عيماراتىندا 140-تان استام بالا ءبىلىم الىپ جاتىر. 55 جىلدان بەرى ءبىلىم وشاعى ەشقانداي كۇردەلى جوندەۋ كورمەگەن. قازىرگى ۋاقىتتا مەكتەپ اپاتتى جاعدايدا اتاپ ايتقاندا, سۋ جانە كارىز قۇبىرلارى توزعان, جىلۋ جۇيەسى زاقىمدانعان. جالپى, عيماراتتىڭ فيزيكالىق توزۋ دەڭگەيى 40%-دى قۇرايدى.
«جاڭا مەكتەپ 200 ورىنعا ەسەپتەلگەن, 30 ورىندىق شاعىن دايىندىق ورتالىعى بولادى. رۋدنيچنىي اۋىلىندا بارلىعى 1 مىڭنان اسا ادام تۇرادى, ونىڭ 241-ءى مەكتەپكە دەيىنگى جانە مەكتەپ جاسىنداعى بالالار.ء بىلىم بەرۋ نىسانىنىڭ قۇرىلىسى ورىن تاپشىلىعى ماسەلەسىن شەشۋگە سەپتىگىن تيگىزىپ, بالالاردىڭ زاماناۋي تالاپتارعا ساي ءبىلىم الۋىنا قاجەتتى قولايلى جاعداي جاسايدى», دەلىنگەن حابارلامادا.
بۇعان دەيىن ۇكىمەت پەتروپاۆلدا بالاباقشا, اتىراۋ وبلىسىنداعى جامانسور اۋىلىندا جانە ۇلىتاۋ وبلىسىنىڭ مىڭادىر ستانساسىندا مەكتەپ, استانادا تىرەك-قيمىل اپپاراتى بۇزىلعان بالالارعا ارنالعان وڭالتۋ ورتالىعى, اقتوبە قالاسىندا ەرەكشە بالالارعا ارنالعان ارنايى بالاباقشا, اقمولا وبلىسىنىڭ زەرەندى اۋىلىندا سپورت كەشەنىن سالۋعا, ريددەر قالاسىندا كوپسالالى اۋرۋحانا كەشەنىنىڭ قۇرىلىسىن اياقتاۋعا جانە باسقا دا جوبالاردى جۇزەگە اسىرۋعا قارجى بولگەن بولاتىن.
