«قازاۆتوجول» كومپانياسىنىڭ مالىمەتىنشە, اۋا رايىنىڭ ناشارلاۋىنا بايلانىستى بارلىق كولىك تۇرلەرىنىڭ قوزعالىسىنا شەكتەۋ قويىلعان.
«شىعىس قازاقستان وبلىسىندا ساعات 14:00-دە «الماتى – وسكەمەن» اۆتوجولىنىڭ اباي وبلىسى شەكاراسىنان ۇلان اۋىلىنا دەيىنگى بولىگىندە قوزعالىس توقتاتىلدى», دەلىنگەن حابارلامادا.
اباي وبلىسىندا ءدال وسى اۆتوجولدىڭ قالباتاۋ اۋىلىنان شىعىس قازاقستان وبلىسى شەكاراسىنا دەيىنگى بولىگىندە جول جابىلدى.
«قازاۆتوجول» وكىلدەرى بۇل شەكتەۋلەردىڭ اۋا رايىنىڭ كۇرت ناشارلاۋىنا بايلانىستى ەنگىزىلگەنىن اتاپ ءوتتى. قارلى بوران مەن كورۋ مۇمكىندىگىنىڭ تومەندىگى جول قوزعالىسىنىڭ قاۋىپسىزدىگىنە قاۋىپ ءتوندىرىپ وتىر.
الدىن الا مالىمەت بويىنشا, جولدار 28 جەلتوقسان كۇنى ساعات 18:00-دە قايتا اشىلادى دەپ كۇتىلىپ وتىر.
جولعا شىعۋدى جوسپارلاعان تۇرعىندار مەن جۇرگىزۋشىلەرگە شۇعىل ەسكەرتۋلەردى قاداعالاپ, الىس ساپارلاردان ۋاقىتشا باس تارتۋعا كەڭەس بەرىلەدى.
