كونستيتۋتسيالىق سوت قىلمىستىق-اتقارۋ كودەكسىنىڭ (قكك) ۋاقىت بويىنشا ارەكەتىن رەتتەيتىن 2-بابىنىڭ ەكىنشى بولىگىنىڭ كونستيتۋتسياعا سايكەستىگىن تەكسەرۋ تۋرالى ازاماتتاردىڭ وتىنىشتەرىن قاراعانىن اتاپ ءوتتى.
- سوتتار ءوز شەشىمىن اۋىر جانە اسا اۋىر سىبايلاس جەمقورلىق قىلمىسى ءۇشىن سوتتالعان ادامدارعا جازادان شارتتى تۇردە مەرزىمىنەن بۇرىن بوساتۋدى قولدانۋدى شەكتەيتىن قىلمىستىق كودەكستىڭ جانە قىلمىستىق-اتقارۋ كودەكسىنىڭ ءتيىستى باپتارىنا سىلتەمە جاساي وتىرىپ, ۋاجدەدى.
ءوتىنىش يەلەرىنىڭ پىكىرىنشە, قىلمىستىق-اتقارۋ كودەكسىنىڭ داۋ ايتىلىپ وتىرعان نورماسى كونستيتۋتسياعا قايشى كەلەدى. كودەكستىڭ كورسەتىلگەن نورماسىنىڭ كونستيتۋتسيالىلىعىن تەكسەرۋ ناتيجەلەرى بويىنشا كونستيتۋتسيالىق سوت داۋ ايتىلىپ وتىرعان نورمانى كونستيتۋتسياعا سايكەس دەپ تانىدى, – دەلىنگەن حابارلامادا.
كونستيتۋتسيالىق سوت 2024 جىلعى 16 مامىرداعى №44 نورماتيۆتىك قاۋلىسىندا جازاسىن وتەۋدەن شارتتى تۇردە مەرزىمىنەن بۇرىن بوساتۋدى قولدانۋ-قولدانباۋ ماسەلەلەرى قولدانىستا بولاتىن قىلمىستىق زاڭعا سايكەس شەشىلەدى دەپ كورسەتكەنىن اتاپ ءوتتى.
سونىمەن قاتار كونستيتۋتسيالىق سوت سوت پراكتيكاسىنىڭ بىركەلكىلىگىن قامتاماسىز ەتۋ ماقساتىندا جوعارعى سوتقا اۋىر جانە اسا اۋىر سىبايلاس جەمقورلىق قىلمىس جاساعان ادامدارعا شارتتى تۇردە مەرزىمىنەن بۇرىن بوساتۋدى قولدانۋ ماسەلەلەرى بويىنشا قوسىمشا تۇسىندىرۋلەر بەرۋدى ۇسىندى.
