تەرگەۋ ورگاندارى 2 ناۋقاستىڭ جەكە باسىن انىقتاۋ بويىنشا جۇمىس جۇرگىزدى, ولاردىڭ بىرەۋى ازەربايجان ازاماتى ەكەنى انىقتالدى. سونداي-اق سانيتارلىق اۆياتسيا جەلىسى بويىنشا استانا قالاسىنان ۇلتتىق شۇعىل مەديتسينا ۇيلەستىرۋ ورتالىعىنىڭ جانە جەتەكشى رەسپۋبليكالىق ورتالىقتاردىڭ جوعارى بىلىكتى ماماندارى كەلدى.
جوعارىدا اتالعان مامانداردان باسقا, ازەربايجان رەسپۋبليكاسىنىڭ دەنساۋلىق ساقتاۋ مينيسترلىگى مەن تجم ارنايى كەڭەسى, ساناۆياتسيا بريگاداسى كەلدى.
بارلىق زارداپ شەككەن ناۋقاستارعا تەكسەرۋ جۇمىسى جۇرگىزىلدى. سونداي-اق زارداپ شەككەندەرمەن جانە ولاردىڭ تۋىستارىمەن پسيحولوگتار توبى جۇمىس ىستەپ جاتىر.
بۇگىن تاڭەرتەڭ اقتاۋ ۋاقىتىمەن ساعات 08:30-دا رەسەي فەدەراتسياسىنىڭ تجم ورتالىق اپپاراتىنىڭ سانيتارلىق اۆياتسيا بورتىندا رەسەي فەدەراتسياسىنىڭ ازاماتتارى ەۆاكۋاتسيالاندى.
قازىرگى ۋاقىتتا اۋرۋحانادا 20 ناۋقاس دارىگەرلەردىڭ باقىلاۋىندا جاتىر: 6 ناۋقاس - جانساقتاۋ بولىمىندە: 5 ناۋقاس - وبلىستىق اۋرۋحانادا, 1 ناۋقاس - ماڭعىستاۋ وبلىستىق بالالار اۋرۋحاناسىنىڭ جانساقتاۋ بولىمىندە. ماڭعىستاۋ وبلىستىق اۋرۋحاناسىنان 2 پاتسيەنت تراۆماتولوگيا بولىمشەسىنە اۋىستىرىلدى.
