فوتو: polisia.kz
شىمكەنت قالاسىندا بەلگىسىز ەر ادام تاكسي جۇرگىزۋشىسىنە سالەمدەمە بەرىپ, ونى تۇركىستاندا ءبىر قىزدىڭ كۇتىپ الاتىنىن ايتقان.
جۇرگىزۋشى باسقا جولاۋشىلاردى ءتۇسىرىپ جاتقاندا سالەمدەمەنى جەرگە قۇلاتىپ العان. ونداعى ەلەكتر شاينەكتەن سينتەتيكالىق ەسىرتكى سالىنعان ەكى ورام انىقتالعان.
ەر ادام دەرەۋ پوليتسياعا حابارلاسىپ, ءمان-جايدى تۇسىندىرگەن. جەدەل شارالار قابىلدانىپ, ناتيجەسىندە سالەمدەمەنى كۇتكەن جاس قىز ۇستالدى.
تەرگەۋ بارىسىندا ول ەسىرتكىنى جەكە قولدانۋعا العانىن مويىنداعان. ۇستالعان كۇدىكتىگە قاتىستى قىلمىستىق ءىس قوزعالىپ, سوت شەشىمىمەن جاۋاپقا تارتىلدى.
