فوتو: اشىق دەرەككوز
«ازاماتتار ەلىمىز بويىنشا ۇشاقتاردا, پويىزداردا تسيفرلىق قۇجاتتار بازاسى نەگىزىندە جەكە باسىن كۋالاندىراتىن قۇجاتتارىنسىز الاڭسىز جۇرە الادى. بيىل 200 ملن-نان استام قىزمەت كورسەتىلدى», دەدى جاسلان ماديەۆ.
تاعى ءبىر مىسال – ونلاين نوتاريۋس. ازاماتتار قازاقستاننان تىس جەردە بولسا دا ونلاين قىزمەت الا الادى. مۇنداي قىزمەتتەر 175 مىڭنان استام رەت كورسەتىلگەن.
جاسلان ماديەۆ ازاماتتارعا اۆتوماتتى تۇردە, ولاردىڭ ءوتىنىشىنسىز ۇسىنىلاتىن پرواكتيۆتى قىزمەتتەردى ەنگىزۋدىڭ ماڭىزىن اتاپ ءوتتى. سونىمەن قاتار مينيستر اتاۋلى الەۋمەتتىك كومەكتىڭ قۇرالىنا اينالعان الەۋمەتتىك ءامياندى ەنگىزۋ تۋرالى ايتتى.
«مەملەكەت باسشىسىنىڭ تاپسىرماسى بويىنشا ءبىز ەكى نەگىزگى قىزمەتتەن باستادىق: وقۋشىلارعا تەگىن ىستىق تاماق بەرۋ جانە تەگىن ءدارى-دارمەك ۇسىنۋ», دەدى ج.ماديەۆ.
ايتا كەتەيىك, بۇگىندە 703 مىڭنان استام وقۋشى تەگىن ىستىق تاماقپەن قامتاماسىز ەتىلگەن. 2 مىڭنان استام مەكتەپ قامتىلعان. مەملەكەتتىك ءدارىحانالار جۇيەگە تولىعىمەن قوسىلعان جانە قازىردىڭ وزىندە 1,5 ملن-نان استام رەتسەپت بەرىلگەن.
