«مەملەكەت باسشىسىنىڭ جارلىعىمەن سەرىك ماقاش ۇلى جۇمانعارين قازاقستان رەسپۋبليكاسى پرەمەر-ءمينيسترىنىڭ ورىنباسارى — ۇلتتىق ەكونوميكا ءمينيسترى بولىپ تاعايىندالدى ول بۇرىنعى اتقارعان لاۋازىمىنان بوساتىلدى», دەلىنگەن حابارلامادا.
سەرىك ماقاش ۇلى جۇمانعارين 1969 جىلى اقتوبە قالاسىندا دۇنيەگە كەلگەن.
ماسكەۋ لەنين وردەندى جانە وكتيابر رەۆوليۋتسياسى وردەندى ەنەرگەتيكالىق ينتيتۋتىن, ە.ا. بوكەتوۆ اتىنداعى قاراعاندى مەملەكەتتىك ۋنيۆەرسيتەتىن, حالىقارالىق بيزنەس اكادەمياسىن تامامداعان.
1993-2004 جىلدارى كاسىپكەرلىكپەن اينالىسقان.
2005-2006 جىلدارى — اقتوبە قالاسىنىڭ ەكونوميكا جانە بيۋدجەتتىك جوسپارلاۋ ءبولىمى باستىعىنىڭ ورىنباسارى; اقتوبە قالاسى كاسىپكەرلىك ءبولىمىنىڭ باستىعى.
2006-2007 جىلدارى — قر تابيعي مونوپوليالاردى رەتتەۋ اگەنتتىگىنىڭ اقتوبە وبلىسى بويىنشا باسقارماسى باستىعىنىڭ ورىنباسارى.
2007-2008 جىلدارى — قر تابيعي مونوپوليالاردى رەتتەۋ اگەنتتىگىنىڭ اقتوبە وبلىسى بويىنشا باسقارماسىنىڭ باستىعى; قر تابيعي مونوپوليالاردى رەتتەۋ اگەنتتىگىنىڭ اقتوبە وبلىسى بويىنشا دەپارتامەنتىنىڭ ديرەكتورى.
2008-2010 جىلدارى — قر يندۋستريا جانە ساۋدا مينيسترلىگى ساۋدا كوميتەتى توراعاسىنىڭ ورىنباسارى, ساۋدانى دامىتۋ دەپارتامەنتىنىڭ ديرەكتورى; «قازاقستاندىق كەلىسىم-شارت اگەنتتىگى» اق باسقارما توراعاسىنىڭ ورىنباسارى.
2010-2011 جىلدارى — «NadLoc» جەرگىلىكتى قامتۋدى دامىتۋ ۇلتتىق اگەنتتىگى» اق باسقارما توراعاسىنىڭ ورىنباسارى, ءبىرىنشى ورىنباسارى.
2012-2013 جىلدارى — قر ەكونوميكالىق دامۋ جانە ساۋدا مينيسترلىگى وڭىرلىك ساياسات جانە بيۋدجەتارالىق قاتىناستار دەپارتامەنتىنىڭ ديرەكتورى; قر ەكونوميكالىق دامۋ جانە ساۋدا مينيسترلىگى وڭىرلىك دامۋ كوميتەتىنىڭ توراعاسى.
2013-2014 جىلدارى — قر وڭىرلىك دامۋ ۆيتسە-ءمينيسترى.
2014-2017 جىلدارى — قر ۇلتتىق ەكونوميكا مينيسترلىگى تابيعي مونوپوليالاردى رەتتەۋ جانە باسەكەلەستىكتى قورعاۋ كوميتەتىنىڭ توراعاسى.
2017-2019 جىلدارى — قر ۇلتتىق ەكونوميكا ۆيتسە-ءمينيسترى.
2019-2020 جىلدارى — ەۋرازيالىق ەكونوميكالىق كوميسسيانىڭ باسەكەلەستىك جانە مونوپولياعا قارسى رەتتەۋ جونىندەگى القا مۇشەسى (مينيستر).
2020-2022 جىلدارى — باسەكەلەستىكتى قورعاۋ جانە دامىتۋ اگەنتتىگىنىڭ توراعاسى.
2022-2023 جىلدارى — قر پرەمەر-ءمينيسترىنىڭ ورىنباسارى – ساۋدا جانە ينتەگراتسيا ءمينيسترى.
2023 جىلعى 2 قىركۇيەكتە قازاقستان رەسپۋبليكاسى پرەزيدەنتىنىڭ جارلىعىمەن قر پرەمەر-ءمينيسترىنىڭ ورىنباسارى بولىپ تاعايىندالدى.
2024 جىلعى 6 اقپاندا مەملەكەت باسشىسىنىڭ جارلىعىمەن قازاقستان رەسپۋبليكاسى پرەمەر-ءمينيسترىنىڭ ورىنباسارى بولىپ تاعايىندالدى.
ءوزىنىڭ لاۋازىمدىق مىندەتتەرى اياسىندا كەلەسى ماسەلەلەردى ۇيلەستىرەدى:
● ساۋدا ساياساتى;
● اگروونەركاسىپ كەشەنى;
● جەر قاتىناستارى;
● ەاەو جانە دسۇ اياسىنداعى ىنتىماقتاستىق.
