جۇمىسشى مامانداردىڭ مارتەبەسى قايتسە كوتەرىلەدى

جيىنعا تاقىرىپتىڭ سالماعىن ارتتىرىپ, تۇزدىق وي سالارلىق سالا ماماندارى قاتىستى. اتاپ ايتساق, ءماجىلىس دەپۋتاتى نۇرگۇل تاۋ, «ەڭبەك رەسۋرستارىن دامىتۋ وترالىعى» اق ۆيتسە-پرەزيدەنتى شالقار بايقۇلاقوۆ, كاسىپتىك تەحنيكالىق كوللەدجى ديرەكتورىنىڭ ورىنباسارى وماربەك ورىنبەك ۇلى, استانا قالاسى اكىمدىگىنىڭ «ەڭبەك موبيلدىلىگى ورتالىعى» (جۇمىسپەن قامتۋ ورتالىعى) جۇمىس بەرۋشىلەرمەن بايلانىس ءبولىمىنىڭ باسشىسى مەيرامگۇل يماشەۆا, Astana Polytechnic كوللەدج ديرەكتورىنىڭ ورىنباسارى مايرا سەمبينا, تەمىرجولشى, «قر قۇرمەتتى قايراتكەرى» تەمىرجولشىلار ديناستياسىنىڭ وكىلى كەنداي احمەتوۆ, Astana Polytechnic كوللەدج ديرەكتورىنىڭ ورىنباسارى مايرا سەمبينا مەن باس باسىلىم جۋرناليستەرى قاتىستى.

«Egemen Qazaqstan» گازەتى باس رەداكتورىنىڭ ورىنباسارى قۋات اۋەسباي مودەراتورلىق ەتكەن وي-تالقى جۇمىسشى مامان مەن ەڭبەك ادامىنىڭ ارا جىگىن اجىراتۋدان باستالدى. العاش بولىپ ءسوز العان ءماجىلىس دەپۋتاتى نۇرگۇل تاۋ بويىنداعى پراكتيكالىق داعدىسىنا قۇجاتتارى ساي تۇلعالاردى العاشقى توپقا قوساتىنىن ايتىپ, كابي ءبىلىم بەرۋ جۇيەسى مەن ءوندىرىس وشاقتارىنىڭ تىعىز بايلانىس ورناتۋى ولقىلىقتىڭ ورنىن تولتىرۋعا سەپتەسەتىنىن العا تارتتى.

«بالالاردىڭ قانداي ماماندىققا بەيىم ەكەنىن زەرتتەۋ ماڭىزدى. ول انىقتالعان سوڭ سول باعىتتا جول كورسەتىپ, وقۋعا تۇسۋگە باعىتتاۋ كەرەك. ءبىزدىڭ ەلىمىزدىڭ ەڭبەك نارىعى قانداي ماماندارعا مۇقتاج ەكەنىنە اناليز جاساۋى ءتيىس. قورىتىندىدان كەيىن عانا سول ماماندىقتاردى وقىتۋعا باسىمدىق بەرىلۋى شارت», دەدى نۇرگۇل تاۋ.

ال Astana Polytechnic كوللەدج ديرەكتورىنىڭ ورىنباسارى مايرا سەمبينا كۇندەلىكتى الدىنا كەلەتىن ستۋدەنتتەردىڭ تالابىن, تىلەگىن ورتاعا سالدى. ونىڭ ءبىرىنشىسى - كوللەدجدىڭ ماتەريالدىق-بازالىق جاعدايىن زامان ۇردىسىنە ىلەستىرۋ, تەحنولوگيالاردى ۋاقىتىلى وقۋ ورنىنا جەتكىزىپ, ونى قولدانۋ داعدىسىن شاكىرتتەرگە مەڭگەرتۋ.

«وقىتۋ ۇدەرىسىنە وندىرىستەن كاسىبي مامان تارتۋ قيىننىڭ-قيىنىنا اينالدى. ءبىز سونداي ماماندى 1 جىل بويى ىزدەدىك. ءبىز ۇسىنعان جالاقىدان وزدەرىنىڭ تسەحىندا تاپقان تابىسى الدەقايدا جوعارى. سوندىقتان ءوندىرىس شەبەرلەرى شاكىرت وقىتۋعا ق ۇلىقتى ەمەس. ودان كەيىن كوللەدج جاتاقحانالارىن تۇرمىسقا قولايلى ەتىپ سالۋعا كوڭىل ءبولىنۋى ءتيىس. جاڭا, زاماناۋي جايلى مەكتەپتە وقىپ كەلگەن بالانىڭ وقۋ عيماراتى مەن جاتاقحاناعا قويار تالابى دا جوعارى بولادى. سونىمەن بىرگە كوللەدجدەردىڭ سالىناتىن ورنى دا قالا سىرتىندا ەمەس, كەرىسىنشە قالانىڭ ورتالىعىندا, كورىكتى ايماقتا بولعانى دا وقۋشىلاردىڭ كوللەدج تابالدىرىعىن اتتاۋىنا ىقپال ەتەرى ءسوزسىز», دەدى Astana Polytechnic كوللەدج ديرەكتورىنىڭ ورىنباسارى مايرا سەمبينا.

وي-تالقى بارىسىندا كاسىپتىك تەحنيكالىق كوللەدجى ديرەكتورىنىڭ ورىنباسارى وماربەك ورىنبەك ۇلى ءوندىرىس شەبەرلەرىن وقىتۋ ۇدەرىسىنە تارتۋ ءۇشىن قۇپتارلىق تەتىك ۇسىندى.

«وقۋشىلاردىڭ كوللەدجگە ات باسىن بۇرا بەرمەۋىنىڭ سەبەبى - بىتىرەتىن ماماندىعىنىڭ جالاقىسى ماردىمسىز ءارى ءوندىرىس وشاقتارى جاس ماماننان تاجىريبە تالاپ ەتىپ جاتادى. مۇنىڭ سەبەبى ءوندىرىستىڭ كەي تەحينكاسىن قولداناردا اسا تياناقتىلىق قاجەت. ولار جاس ماماندى ۇيرەتكەننەن شەتەلدىك ءتىس قاققان مامانعا جۇگىنۋدى قولاي كورەدى. بۇل ارەكەتتەردىڭ ارتىندا قازاقستان ەكونوميكاسىنا سەلكەۋ تۇسىرەتىن كولەڭكەلى تۇس بارىن اڭدامايدى. ال جۇمىسشى شەبەرلەردىڭ وقۋ ورنىندا ساباق بەرۋگە ىقىلاستى ەتۋ ءۇشىن, جۇمىس ورنىنداعى جالاقىسىن ساقتاي وتىرىپ, ءبىلىم بەرگەنى ءۇشىن قوسىمشا ەڭبەكاقى بەرۋ كەرەك», دەگەن ۇسىنىسىن جەتكىزدى وماربەك ورىنبەك ۇلى.

استانا قالاسى اكىمدىگىنىڭ «ەڭبەك موبيلدىلىگى ورتالىعى» (جۇمىسپەن قامتۋ ورتالىعى) جۇمىس بەرۋشىلەرمەن بايلانىس ءبولىمىنىڭ باسشىسى مەيرامگۇل يماشەۆا نارىقتا جۇمىسشى ماماندارعا سۇرانىس جەتكىلىكتى ەكەنىنە نازار اۋداردى. كەي جاعدايلاردا قولىنان ءىس كەلەتىن ماماننىڭ قولىندا ديپلومى بولماۋى جۇمىسقا ورنالاسىپ كەتۋگە كەدەرگى كەلتىرەتىنىن اتاپ ءوتتى.

جيىنعا قاتىسۋشىلار جۇمىسشى ماماندار جىلىن مازمۇندى ەتۋ ءۇشىن ولاردىڭ مارتەبەسىن كوتەرۋگە دەن قويۋ باستاماسىن قولدادى. بۇل باعىتتاعى ارەكەت جۇمىسشى مامانداردىڭ ەڭبەگىن ەلگە ناسيحاتتاۋدان باستالۋ كەرەك. يدەولوگيالىق تۇرعىدا ماسەلەنى تامىرىنان شەشۋ ءۇشىن وتباسى مەن قوعامدا جاعىمدى كوزقاراس قالىپتاستىرۋ العىشارت.