فوتو: مادەنيەت جانە اقپارات مينيسترلىگى
ول ساۋد ارابياسىنىڭ جۋبايل قالاسىندا وتكەن وقيتىن قالالاردىڭ 6-شى حالىقارالىق كونفەرەنتسياسىنا (6th International Conference on Learning Cities) قاتىستى. بۇل الاڭدا تۇراقتى دامۋ, كليماتتىڭ وزگەرۋى جانە وقيتىن قاۋىمداستىقتار قۇرۋ ماسەلەلەرىن تالقىلاۋ ءۇشىن الەمنىڭ تۇكپىر-تۇكپىرىنەن ساراپشىلار جينالدى.
پلاتون نەچاەۆ ەكولوگيالىق جانە الەۋمەتتىك ماسەلەلەردى شەشۋ ارقىلى كرەاتيۆتى ويلاۋدى دامىتۋعا ىقپال ەتەتىن, جاڭا بۋىن كوشباسشىلارىن قالىپتاستىراتىن «PLATON 5D ويلاۋ» ءبىلىم بەرۋ باعدارلاماسىن تانىستىرۋ ءۇشىن ارنايى شاقىرىلدى.
سونىمەن قاتار قاراعاندىلىق وقۋشى كونفەرەنتسياعا ارنايى «ۋاقىتتىڭ سيقىرلى كومپاسى» دەپ اتالاتىن جاڭا ەرتەگىسىن ۇسىندى. پلاتون جۋبايل مەن قاراعاندى بالالارى اراسىندا تاجىريبە الماسۋ ماقساتىندا ەكى قالادا دوستىق اعاشتارىن وتىرعىزۋدى ۇسىندى.
ايتا كەتەيىك, پلاتون – قازاقستاننىڭ ەڭ جاس كرەاتورلارىنىڭ ءبىرى. ونىڭ اڭگىمەلەرى ءارتۇرلى وقيعالار مەن كەيىپكەرلەرگە, سۇيىكتى قالاسى قاراعاندىنىڭ تاريحىنا ارنالعان.
جاس قالامگەر يلليۋستراتسيالارىن جاساندى ينتەللەكت كومەگىمەن ءوزى جاسايدى ەكەن.
