فوتو: ۆەدومستۆو. تەلەگرام
مينيسترلىك مالىمەتىنشە, بۇدان بولەك, 58 مىڭ گەكتارعا جۋىق جەر لازەرلىك جوسپارلاۋشى ارقىلى تەگىستەلدى. اتالعان ءىس-شارالار سۋارمالى سۋ شىعىنىن ازايتۋعا مۇمكىندىك بەردى.
ەسكە سالايىق, سۋ رەسۋرستارى جانە يرريگاتسيا مينيسترلىگى ازىرلەگەن «2024-2026 جىلدارعا ارنالعان سۋ ۇنەمدەۋدىڭ جول كارتاسى» جوسپارىندا 39 ءىس-شارا قاراستىرىلعان.
مينيسترلىك سۋ ۇنەمدەۋدى ودان ءارى ىسكە اسىرۋ جانە شارۋالاردى سۋ ۇنەمدەۋ تەحنولوگيالارىنا كوشۋگە ىنتالاندىرۋ ماقساتىندا سۋ ۇنەمدەۋ جۇيەلەرىن ورناتۋ شىعىندارىن سۋبسيديالاۋ مولشەرىن 50%-دان 80%-عا دەيىن ۇلعايتتى.
«مەملەكەت باسشىسىنىڭ تاپسىرمالارىن ورىنداۋ ءۇشىن ءار وڭىرگە سۋ ۇنەمدەۋ جۇيەلەرى ورناتىلعان ەگىس القاپتارىن ۇلعايتۋ بويىنشا ناقتى ينديكاتورلار بەلگىلەپ, كەزەڭدىك جوسپار ازىرلەدى. وسىلايشا, مينيسترلىك 2030 جىلدىڭ سوڭىنا قاراي جىلىنا 2,2 ملرد تەكشە مەترگە دەيىن سۋ ۇنەمدەۋگە نيەتتى», دەدى سۋدى ۇنەمدەۋ تەحنولوگيالارىن دامىتۋ دەپارتامەنتىنىڭ ديرەكتورى بەرىكبول ماندىباەۆ.
