باتىس قازاقستاندا يندۋستريالىق ايماقتىڭ ورنى انىقتالدى

ورال. 17 ماۋسىم. باتىس قازاقستاندا ينسدۋستريالاندىرۋ ايماعى ورنالاساتىن جەر بىراق ۋاقىتتان بەرى بەلگىسىز بولىپ كەلدى. بۇعان اتالعان ماسەلە ءوز شەشىمىن تاپتى. بۇل تۋرالى egemen.kz ءتىلشىسى حابارلادى. باستاپقىدا بۇل ماقساتتا ءۇش نۇسقا ۇسىنىلدى. ونىڭ ءبىرىنشىسى – ورال قالاسىنىڭ سولتۇستىك شىعىس بولىگىندەگى سامارا باعىتى تاس جولى اۋماعى. ەكىنشىسى – زەلەنوۆ اۋدانىنداعى بەرەز اۋىلى ماڭى. ال ءۇشىنشىسى – تەرەكتى اۋدانىنداعى پويما بەكەتى اۋماعى. بۇگىنگى كەلىسىم مەن ۇيعارىم سوڭعى نۇسقاعا ارقا تىرەدى. «بۇل تۇس ەڭ تارتىمدى, پەرسپەكتيۆاسى جوعارى جەر رەتىندە ەرەكشەلەنىپ تۇر. سونداي-اق, وسى ماڭدا تەمىر جول, اەروپورت جانە اۆتوموبيل جولى ورنالاسقان. اتالعان فاكتورلار كولىك-لوگيستيكاسىن ورنالاستىرۋعا دا ءتيىمدى», – دەيدى «ورال» الەۋمەتتىك كاسىپكەرلىك كورپوراتسياسىنىڭ جەتەكشىسى ەرجان بالتاەۆ. يندۋستريالىق ايماقتى پايدالانۋدىڭ ءبىرىنشى كەزەڭىندە 300 گەكتار جەردى يگەرۋ جوسپارلانۋدا. قازىردىڭ وزىندە 5 تۇرىك كومپانياسى وعان وندىرىستىك جەلىلەرىن وتكىزۋگە دايىن. ولاردى يندۋستريالىق ايماقتىڭ رەسەي نارىعىنا جاقىندىعى قىزىقتىرىپ وتىر. ويتكەنى, ولار ءۇشىن ەۋرازيالىق ەكونوميكالىق وداق جاعدايىنداعى ورتاق جۇمىستى يگەرۋ الدەقايدا ءتيىمدى ەكەنى ايتپاسا دا تۇسىنىكتى. تەمىر قۇسايىن. دەرەك, سۋرەت: egemen.kz.